Oosana 9:22 - Anutuna Ufa

²² (Yafeetafa indaaruqaafa Seemafa mina aanaaqianaafa marinau Qammafa inaaqianaafa marinau.) Qammafa Kannaana akoofa maridanoo anireenoo narí akoofa kaqi samu faiqaqee ufanoo oonu qafeenoo narí akaqaafasaaqara naaramaseenoo qimanniminau.

Oosana 9:22 Referans Kwoze

Aaquqira Ufa 30:17

Faiqí moo fannoo narí akoonara uteeti qimaseenoo narí anoona asooqa ufa rukiainafa duee dueena fannoo mina afu qimbaannoo. Mina amaqi meemoonauqa rapeeifaranoo.

Karatia 6:1

Qini qikaqaafasaauqa inniki moo fannoo mandainainaki aqufinaqa qafeeqa Anutuna oosanara irimariasa mina mareeqee andeeqaranaki quqaaqa, sia aanoomasee miqi iaqa reendeenamandee miqi iaqa anee mi fasiqana dadaaqidana aneenna marirana faqa rakisia, anee faqa minaki aqufinafaara.

1 Koorinti 13:6

Faiqí aanaaseera nimuqusirafa sia mandoosanara asasidanoo kuqaa anoona ufa qiranara asasidanoo.

Mataioo 18:15

Ani aqoonafa ani mandaika mamaqainana anee mi finnai oonuree narí mandoosanara qimamia. Inneeqara kai mariaqa sia moo fannoo mariani. Mifa ani ufa irisainana doo anee aneenna aqoonnana kafaa aqoondikina marinnaranoo.

Idi Ufa 70:3

Qiniara uteeti qimariasa nariqa nisaurirana firaafa marina qafaifanoo firaaqoo naaquqaani.

Idi Ufa 40:15

Qiniara uteeti qimariasa misa nariqa nisaurirana firaafa marina qafeeqa firaaqoo tautiaqa.

Oosana 10:6

Qammana faiqi namu nuqu maaqimminoo marinau. Kusafa faqa Isipafa faqa Ribiafa faqa Kannaafa faqa mariqau. Mi fasiqausa ninaiqimara nisaifaqausa nári ninaakusa nuqu maree mariqau.

Aaquqira Ufa 25:9

Anee aneenna aqoonnana faqa ufa rainaidana kai kaqi mi fasiqafinnai oonuree mi ufana andeeqa taikaa. Anee moo kukeeqara ufa iriseenana sia mi ufana koorooia.

Oosana 9:25

Iriseenooo maaqi qimasee aquraranau. Qinee ani amaaku Kannaanasaa aqurara ufa quqaanaura. Anee aneenna akaqaafasaauqa saika faiqi maria.

Oosana 9:23

Seemafa faqa Yafeetafa faqa minara iriseeqa qaoo qimasee qamunna marasee moo fannoo dinni ati narí aururusaa quqasoofanoo moo fannoo dinni ati narí aururusaa quqaseeqara ninaaqianaindari uiqaana maaqaki keeqa fiqaqara nári nikoona afaaqa itita amaqaqau. Miqanda noori kaqinni quqasee nisauruanoo qimasee sia nári nikoona qafaqau.