Oosana 9:15 - Anutuna Ufa

¹⁵ Oonnamuki oondanda rafeeqna finaqa qafeeqa qinee ani faqa aiqama aandau doodaani faqa qima afeekaikira ufara irisee sia kaifaa nammari aufirafa naruannoo.

Oosana 9:15 Referans Kwoze

Idi Ufa 106:45

Niqafamaseenoo misara qimudaoo qimaseenoo narí moodaanaki kira ufara iriseenoo narí firaa amuqusirafa marunara faqa iriseenoo narí aanooqirana minnisanau.

Rafudoo Akarafa 28:12

Miqimmasee aururusaa eefooda qamunna aakandammasainanoo Yakooboona faiqi namu qisauku qaara taikasee qikunni ooqu qaara marasee 12 Isaraee maqannaasa kikiqusinoo mariani. Miqimasaifanoo Aaroonafa misa nuqu narí aururusaa maranoo nimarinaqa qinee Yaaweesa qeeqa faiqí aanaaseera aiqama kari irianaura.

Ruka 1:72

Mifa narí qimaqoo ufanara irianauree qeeqa naaquqara moodaanaki kira ufa iriseeqa mimau dadaaqianauree qinau. Mifa oori runusee Abarahaamana qimaminau, minaki mifa maasa namuqaa nisaukukinaana mareeqee paasoosiranaki quqaqisainaqa maasa kaqi marianna kamuqoo mina naaquqara andeeqara fasiqa anaasee mariannanara qimaminau.

Oosana 8:21

Suqoofanoo mina afunda karaambaiqa aikiambu ufanoo udirama qafeenoo asasinau. Asasammaseenoo maaqi qimasee qimmirinoo qinau. Sia qinee kaifaa faiqí inni mandainaina akiiqara aiqama maqa maaqa niquraraanauranoo. Inneeqa faiqi saaqari irirana faqa marirana faqa mandaika kai imarunara sia kaifaa unandee iqa maqa maaqa afaaqasasa maria fasiqa aanaaseesa faqa aandau doodaani faqa naru taikaanaura.

Oosana 9:11

Maa ufausannoo qinee moodaanaki kira ufa inni faqa qidaqa. Qinee kuqaa qima afeekaika qidaqa sia kaifaa nammari aufirafa faiqí faqa aiqama ainaina faqa naruannoo. Sia uqanna kafaa nammari aufirafa maa maqa maaqana mandaikiannoo.

Oosana 9:14

Yairee fee qinee oonnamunnai innaaruna itita saananoo miqoo oondanda kambiqaannoo.

Oosana 9:10

Aiqama ainaina ufiniuqa faqa aiqama aandauqa faqa ani faqa sipakiqari anusa faqa moodaanaki kianaura.