Oosana 9:1 - Anutuna Ufa

¹ Anutufa Nooana narí faiqi namu faqa nifaaqooqa qinoo qinau. Inni asumu moomoo kambiqafi aiqama maqa maaqa amana kai mariaqa.

Oosana 9:1 Referans Kwoze

Oosana 9:7

Innee moomoo faiqi maqasaifaqa aiqama maqa maaqaki amanaikammafi mariaqa.

Oosana 1:28

Auquseenoo Anutufa nifaaqooqa qinoo qinau. Inniqara asumu moomoo kambiqeeqa maa maqa maaqanaki qumbiqafiqa rakisiaqa. Qinee inniqara mareeqee ooruku nammariki noodaanna faqa ufiniuqa faqa aiqama kaasau aandauqa rakisirausaika mannimaqaanaura.

Oosana 8:17

Aiqama ufiniuqa faqa aandauqa faqa nifiqee raudaaqa. Raudamafiqa maqa maaqaki daraaniqa asumu moomoo kambiaaqa.

Oosana 1:22

Miqi qimaseenoo Anutufa narí afaaqooqa qimannimaqeenoo qinau. Inni asumu moomoo kambiqafiqa ooruku nammarki qumbiqaqa mariaqa. Mifa ufiniuqara faqa moomoo kambiqafi mariaqee qinau.

Oosana 24:60

Reebeeka nammarifa firarufaqa maa ufanannoo mina afaaqooqa qiqau. Oo maasa qisooki anikiqari aruakinausa moomoo uqanna firaaqoo uqanna kambiqeefara ani aiku asauku marinausa namuqaa nárí nifaqaaqa mandaida misa maqa maaqa namu faqa misa ainaina faqa maree marifaranoo.

Oosana 10:32

Aiqama misauqa Nooanasaaqari kambiqarausa mariqau. Moo maqannaa moo maqannaa nariqa oosana amana kai mariqau. Nammari aufirafa taikafufaqa aiqama maa maqanasaaqaraasa Nooana faiqi namukiqari kai kambiqafi mariqau.

Oosana 2:3

Dinni taikasee dinni oonu qaaraqanda 7 faasaanara Anutufa afaaqooqa qimasee, aaduma naaquqara faasaanee qinau. Narí kadaapirirana mi faasaanna taikoonara mi faasaannara naaquqara faasaanee qimasee idooanau.

Idi Ufa 112:1

Yaaweena amooqiaqa. Yaaweenara eerairammasee mina ufamau fimarifa faqa mina sandufara asasammasee afaqee marifa faqa asasiranaki maridanoo.

Oosana 9:19

Nooana mi faiqi qaaramoo namusa aiqama maa maqanasaaqaraasa nikeeku nikaaku mariqau.

Oosana 9:2

Aiqama aandauqa faqa ufiniuqa faqa noodaanna faqa inniara rufiaranaki mariaqa. Misa inni afeeka ameemaanai mariaqa.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.