Oosana 8:21 - Anutuna Ufa

²¹ Suqoofanoo mina afunda karaambaiqa aikiambu ufanoo udirama qafeenoo asasinau. Asasammaseenoo maaqi qimasee qimmirinoo qinau. Sia qinee kaifaa faiqí inni mandainaina akiiqara aiqama maqa maaqa niquraraanauranoo. Inneeqa faiqi saaqari irirana faqa marirana faqa mandaika kai imarunara sia kaifaa unandee iqa maqa maaqa afaaqasasa maria fasiqa aanaaseesa faqa aandau doodaani faqa naru taikaanaura.

Oosana 8:21 Referans Kwoze

2 Koorinti 2:15

Pauroofa minara iriseenoo Koorinti maqannaasa nariara maaqi qimasee qimanniminau. Maasa faiqí anaasee qambaanai fidaqa asauku mundirana ufa amiqira afundara foora uqirausa nidaqa akaqausa mi ufana irimariasa asumu mariranaki fifaranoo, akaqausa mi ufana sia irimariasa kuridiranaki fifaranoo.

Oosana 6:5

Anutufa aiqama maqasaaqaraasa nindafoofaqa misa marirafa faqa irirafa faqa mandaika uqanna inoo marinau.

Firipi 4:18

Eepafarooditusafa inni maqusaindari inni maqannaafa maqee qunnanara inneeqa narana maree maria munnimmana minasaa soofanoo mini qimifaqa doo aiqama maraunnanara inni qimannimidaqa doo qini qimana kai maridanoo fiqaramasee faqa maridanoo. Mi munnimmana qimaqaafa tatufira aandau Anutuna suqa ami mariafara foora amiqira afunda aikiambu imarifara foora Anutufa asasammasee maree mari ainainna maridanoo.

Mataioo 15:19

Amuqusakiqari manda irirana faqa faiqí narirana faqa moona anaasee maree mariafa faqa maanaaqa kumaara rarisee mariafa faqa ummuari mariafa faqa fifau akaru qimasee quandasee qimariafa faqa aqoonnanara mandufaqiranara faqa mifauqa kai faiqí putaamma nimaqaidanoo. Sia nisaaqumaseeqa narana neemariafa sia mifa faiqí anaasee putaamma nimaqaidanoo.

Oosana 3:17

Miqi qimaseenoo Anutufa quandafinoo faiqi afaaqooqa qinoo qinau. Anee aneenna anaaqa ufa iriseena qinee qaoo qunna saqarina qaqama naananoo. Minara maa maqana aqurarasaanana anee kadaapi ridana arirana rakeeidana maa maqanaki ummaqusee naida maria.

Yoohanee 3:6

Faiqí nimaqifaqaasa quandaki nimaqifaqaasa maqeefaranoo. Anutuna maraquna fannoo quandaki maraquna faqaasa Anutunara irirana faqaasa maqaannoo.

Idi Ufa 58:3

Aaqee mariasa maqannimaqoona kiqari kaqi runnai ubeekaqa maridaqa. Misa maqannimaqoona kiqari aaqaranaki kai fidaqa unnufa kai qidaqa.

Idi Ufa 51:5

Qini qinoofa qini maqa qisooqooqari numoo aanaaqi mariafanausa maridaqa. Qeeqa qinoona amuaquki mariafananoo aaqarana asumu qiniki marinau.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.

Roomma 1:21

Misa Anutunara iridaqa sia minara dufi dufi qidaqa, kafaa sia mina auqu uqeeraidaqa. Misa quandaki nári irirafa firaaqoo furufariranaki kai maridaqa misa nitikura fifau maridanoo asukuna kai qumbiqanoo maridanoo.

Aaquqira Ufa 20:9

Yafee faiqí moo fannoo kuqaa qinee anukarausee qiannoofee. Yafee faiqí moo fannoo qini mandainaina ruka taikeenoo fee qianno fee. Sia moo fannoo kuqaa miqi qiannoo.

Rafudoo Akarafa 29:25

Miqi maseenana kafaa nisaukukinaana mareeqeenana qaindasaa sipsipa akoona auku quqaqaana amuaaqa quqasee ida arasaifanoo qaani. Qini qimira naranara foora ida araaqa. Mina afundara qinee asasianaura.

Rafudoo Akarafa 29:18

Mi sipsipa akoonna aiqama afaaqa qaidarai quqasee qini tatufiranara foora ida araaqa. Mina afundara qinee asasianaura.

Oosana 6:17

Anutufa kaifaa Nooana qimaminoo qinau. Qinee nammari mareeqee quqasaananoo firaaqoo aufinoo aiqama kasimari ainainausa naru taikaannoo. Aiqama maqasaa maria ainainausa faqa kuqu taikeefaranoo.

Oosana 5:29

Anutufa maa maqa maaqana aquraraqoofaqa maasa kadaapi ridaqa. Maa faiqifa kadaapiriranaki marunnana asooarana qimiannoo fee qimasee mina auqu Nooa nee qinau.

Oosana 4:12

Anee narana ummaqusainanoo maqa fannoo sia ani narana amiannoo. Minara anee maaqa siainafa maridana aiku quqirafa maaqa maaqa kaqi ninnaranoo.

Oosana 6:7

Maa oosanausa qinee auquafanausa maa maqanasaa qaraana qinee aiqama ruka aqusaanaura. Faiqí faqa ufini aandau faqa aiqama ruka aqusaanaura qinee misa auquafannanara qikooqaidanoo.

Oosana 6:13

Miqiqa marufanoo Anutufa Nooana qimaminoo qinau. Faiqí narari nararirafa qumbiqanoo marinara qinee aiqama fasiqa anaasee naru taikaanauree qidaqa.

Idi Ufa 58:4

Misa aaqara oosana fannoo ukadiqara foora faiqí anaasee ukaqa nimifaqa kuqidaqa. Misa moo sakani sia ufa irimari sakani fara foora ufa sia iridaqa.