Oosana 7:11 - Anutuna Ufa

¹¹ Mi aukuanna Nooafa 600 aukuana maranau. Qaara quqoonasaa qiku dinni taikasee dinni oonu qaaraqanda marasee 17 faasaanasaa mi faasaanna kai nammari radiqinau. Mi faasaanna kai maqa ameemaanaindari nammari radiqisee ururoofanoo innaaruna kooqiara foora atuqoofanoo aaku firaafa nammariara foora adianau.

Oosana 7:11 Referans Kwoze

Oosana 8:2

Maqa ameemaanaindari nammari ururee maruna rafaaqa finau. Rafaaqafuseenoo innaaruna kooqiara foora ititasoofanoo innaarunaindaraa nammari faqa sia quminau.

Idi Ufa 33:7

Yaaweefa ooruku nammari susufinnaki saka quqaandee inoo moodaannai suqu quqanau. Ooruku nammari faruma meemai uqanna quqasee afeedinau.

Oosana 1:7

Miqi qimaseenoo Anutufa innaaruna kaqi saqanna auqu quqaseenoo nammari raina mianni faqa mirinni faqa quqanau. Quqasoofanoo doo miqinoo marinau.

Mataioo 24:38

Nammari samu naruna ataufakai mina maariqoo faiqí anaasee qoomaqandauru uqi mariqau. Miqida faiqí anaasee naramundee naramundee ida mariqau. Misa miqimmamaree fubaqa Nooana firaa sipaki keeqeemaru faasaana misa miqikaimmimariqau.

Idi Ufa 74:15

Anee qunanoo maqakinaa nammari faqa nammariuqa faqa quminau. Anee aneenna afeekannai firaa nammariuqa aadanusunafa mariananoo.

Oosana 6:17

Anutufa kaifaa Nooana qimaminoo qinau. Qinee nammari mareeqee quqasaananoo firaaqoo aufinoo aiqama kasimari ainainausa naru taikaannoo. Aiqama maqasaa maria ainainausa faqa kuqu taikeefaranoo.

1 Teesaroonika 5:3

Faiqí anaasee maa aukuannara amiqiranaki asooaranaki maridee qimasee kaqi mana manida marifanoo doo miqoo kai rakeemasee firaa narirafa tautumannimaqaannoo. Sia moo ameekamasaannoo, anaasee innaamunai fimariandee iannoo sia aupurarafa sia mariannoo, mariannoo.

Oosana 7:6

Nooafa 600 aukuana marasoofanoo mi aukuannasaa nammari aufirafa aninau.

Aaquqira Ufa 3:20

Yaaweena amiqira irirafa qufanoo nammari quminau, kafa oonamuara qufanoo aaku suqufufanoo maqasaa aqufinau.

Oosana 8:14

Namba 2 quqoonasaa 27 faasaanasaa aiqama nammari tukaqnamafufanoo maqa maaqa aadana uqanna marinau.