Oosana 5:22 - Anutuna Ufa

²² Eennookafa 300 aukuana Anutuna aqoondikiranaki maridanoo akoonaiqi maanaaqa faiqi namu moomoo maqanau.

Oosana 5:22 Referans Kwoze

1 Teesaroonika 2:12

Maasa innee mandainaina maroofaqa reendeenamma nimaqeeaafanausa maridaqa. Anutufa inni naaraidanoo kasooqaqee innaarunai ooruree narí areenarana faqa narí ququsara faqa mina faqa marasee narí faqa mariaqee qidanoo. Maasa inniara minara iriseeqa innee maqee mariaqooqari Anutuna aidiramau kai fuaqa, minara fuki faaki qimariqiafana.

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

Ruka 1:6

Mi qafaqiqanda Seekariasa Eerisabeetasa andeeqasee Anutuna ufamau fimaruqanda mariqau. Aiqama karaambaiqa Anutuna aaquqira ufa faqa naamuaqira ufa faqa mi mau fimaruqanda mariqau.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

1 Yoohanee 1:7

Maasa Anutuna aanna reeqa suanisaa rakeeiraqoo nunausa moodaanaki marunausa maridaqa nariara nariara aqoondi kammiqa maridaqa. Maasa Anutuna aanna reeqa kaaqa qara qoo fimarunanoo narí amaaku Yisuna fidika fannoo maasa aaqarana numoo aiqama findaukaidanoo.

Idi Ufa 116:9

Miqimmasainara qini aiqama marirafa maa maqanasaaqaraasaki mariasa faqa maridaqa Yaaweena afusaa kai maridaqa.

Kooroosee 1:10

Innee miqi marifaqa Karaambaiqa undee kai imarifaranoo mifa maqee maqee inni marirafa amiqira marira maridaqa amiqisaa kambiqaaqeera Anutuna irirafa faqa firaaqoo inniki kambiqaannoo.

1 Teesaroonika 4:1

Oo Teesaroonika maqannaasa qini qikaqaafasaauqa qeeqa ufa maa ufana ati qimannimianaura. Maasa inni faqa mariafanna kamuqoo Anutuna aidiramau firanara qimannimiafanaqa mi mau fifiusa doo maqee kaqi mi mau fimariafaqa qinee iridaqa. Karaambaiqa Yisufa qimaqimiqoonara doo maqee inni fuki faaki qidaqa sia ooqai undee kai kaqikaaqoo Anutuna iriranamau fuaqa, moo faqa moo faqa afeekaikamasee mi mau fuaqa.

Eefeesusa 5:15

Mi ufafa miqinoo marinara innee Eefeesusa maqannaasa inneeqa mariranasaa amiqimmandee rakisiaqa. Sia aamina fasiqara foora mariaqa irirana faqaasara foora mariaqa.

Oosana 48:15

Miqi mandeenoo Yooseefaana afaaqooqa qimamaqeenoo qinau. Qini qikausa mara Abaraqaammana faqa Isakeena faqa nikoofa Anutufa maa faiqisa amiqi amiqimma nimaqaani. Qini qifiqamaree maaqoo maqee miniqaifaqa marunna Anutufa misa amiqi amiqimma nimaqaani.

Oosana 24:40

Qunanoo mifa qinoo, qinee Karaambaiqa ufa aiqama kari afaqee marunausa maridaqa, mifa narí angiroo aiqainanoo ani faqa fidanoo dadaaqinanoo anoona kambiqaannoo. Anee qini faiqi anaaqa qini maqannaasakinaana qini qikoona atikinaana mareennaranoo.

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

2 Koorinti 6:16

Naqimmasee Anutuna amaana maqaki mariasa faqa tumunnai auqira afaanna faqaasa faqa moodaanaki kifaree, sia amana. Maasa kaqi marira Anutuna amaana maqara foora maridaqa. Anutufa minara maa anoonufana tamummaqara fasiqa qimamufanoo akara rinau. Qinee qeeqa maaqa misaki usakasee marianaura. Qinee misa Anutusa marianaqa misa qini qiku qisauku marifaranoo.

Roomma 8:1

Maasa Anutuna asauku mundirana Yisuna faqa moodaanaki marifanoo Anutuna maraquna fannoo kaqi marirana niminoo kuqirana manda sanda faqa manda oosana faqa minaki marunnana idukuqisaifaqa maridaqa. Minara maqee asauku mundirana Yisuna faqa moodaanaki mariasa sia Anutuna kuqira ufa ameemaanai maridaqa.

Idi Ufa 128:1

Yaaweena ufamau fimariasa asasidaqa. Mina naamuaqira ufasaa mariasa faqa asasidaqa.

Idi Ufa 86:11

Oo Yawee, anee qiniara auqaannee qimarianna ainainna qima qimia. Miqimma sainaqa qinee ani ufamau mapukusee fua. Qini daamua qinaqa kaaqa andeeqasee ani ainainiranaki maria.

Idi Ufa 56:13

Oo Yaawee, qinee madika afaisaa oonuraunnana uqeera qisaannanara dufi dufi qira tatufirana suqamianaura. Qinee farindamaki saamurirara unana qini mara findifuma qisaananoo. Qinee ani Anutuna afusaa kaqi marira kaaqa qaranasaa nuaneera mara findifuma qisaananoo.

Idi Ufa 26:11

Qinee qeeqaraa andeeqara oosana auqaidaqa. Anee qiniara qimudaoo qimasee qini asumu mara quqaqisaa.

Idi Ufa 16:8

Qinee aiqama kari Yaaweena afusaa marunnanara iridaqa. Mifa qini faqa marinara sia moo ainaina fannoo qini kasi kasimma qimaqaannoo.

Rafudoo Akarafa 16:4

Yaaweefa misa ufa iriseenoo Mooseena qimaminoo qinau. Qinee maqee inni aiqamausa naranara qiananoo innaarunaindari aakuara foora aqufina mara neefaranoo. Faasaambaasaana narana quqasaanaqa faiqí anaasee raudamafiqa moodaa faasaana amanakai maree marifaranoo. Qinee miqimmasee misa nimanamasee qafaanaura. Misa qini ufa irifaree sia fee irifaree.

Oosana 5:24

Eennookafa sia kuqinau. Kaaqa Anutunara rimarufa marufanoo Anutufa kaqimma afiqasoofanoo sia sia inau.

1 Koorinti 7:17

Qinee Pauroosa aiqama maqusa maqusa nidaqa maa ufana Yisuna ufara suqimariasa qimannimidaqa. Innee aiqamausa sia moo saika auqaaqa Karaambaiqa inniara mariaqee inna saikana kai maraaqa, Anutufa inni naaroofaqa Yisuna ufa irirara anukamuqoo maroo saikana kai maraaqa sia moo kiaqa mi saikanaki kai mariaqa, sia maqee moo kiaqa.

Oosana 5:21

Mina amaaku Eennookafa 65 aukuana maraseenoo akoonaiqi Meetuseerana maqanau.

Oosana 5:23

Eennookana aukuana aiqama moodaanaki 365 aukuana maranau.