Oosana 49:1 - Anutuna Ufa

¹ Yakooboofa narí faiqi namu naaramaseenoo qima niminau. Innee aiqama maaqoo aniraifaqa kasooaqee inni kina kambiqaaninna ainainara qima nimiana iriaqa.

Oosana 49:1 Referans Kwoze

Uqafiqoo Ufafa 4:1

Qinee Yoohaneesa mi ufana irunanoo qifu pisipasifaqa moo ainaina qafeeqa. Innaarunai kooqiara foora atuanoo marifaqa qafeeqa. Minakiqari moo fannoo qimaqimifaqa iriqa mina ufa fannoo qufireena miqirana fuaqaidanoo miqidanoo qimaqiminoo anee mai ururainaqa kasooqaqee kambiqaaninna ainainna uqafiqaanaura.

Idi Ufa 105:15

Qinee Yaweesa maaqi qimasee mi karaambaiqausa qimannimiqa. Innee sia qini qisauku munduqaunausa nuqaaqa. Sia qini tamummaqara fasiqauqa faqa mandaikamma nimaqaa.

Idi Ufa 25:14

Yaaweefa mina ufa qaindusi mariasa niqoondi maridanoo. Mifa narí moodaanaki kira ufa qimaqoona kafaa qimannimidanoo.

Heeburu 1:2

Maa maqee inaaqianna kamu narí amaakunnai maasa qimaqiminoo. Minannai kai Anutufa maqa faqa innaaruna faqa minakinaa ainainauqa faqa auquseenoo narí amaaku aiqamausakinaana marasee rusandeesamumasee amianauree quna taikara aukuana aiqama ainaina saqama anindi kammiannoo fee qimaqoofa maridanoo.

2 Timooti 3:1

Oo Timooti anee maa ufana aaqoo iria. Taikara aukuana manda aukuana afeeka aukuana mariannoo.

1 Timooti 4:1

Anutuna kaaqa andeeqara maraquna fannoo kasooqaqee kambiqaaninna aukuanara maaqi qimasee akooqoo firaaqoo koorooidanoo. Mi kamuqoo akaqausa Yisunasaa irirana rusiranasaaqari rakeemaki unna qira afaanna ufa irifaranoo akaqausa afaanna uqanna ufamau fifaranoo.

Ruka 2:26

Anutuna naaquqara maraquna fannoo mina aakufufanoo qimaminau. Anee karaambaiqa Anutuna asauku mundirafa kambiqainana anee qafamaseenana kuqinnaranoo, sia kaqi kuqinnaranoo.

Heeburu 13:1

Innee asauku mundiranaki marianara nariara nariara moodaa fasiqa anaasee faiqiara foora uriqarara ainainee qimasee sia fifau noonnoo kai nimuqusi marinaqa nariara nariara ruaqa asaukunnoo auqaidana nariara nariara ruaqa. Miqi kai ida sia taikaaqa.