Oosana 48:5 - Anutuna Ufa

⁵ Ani amaaku qara Isipa maqasaa kambiqara qanda qinee Kannaana maqasaa kaqi marunaqa kambiqaa qanda Mannaseesa Eefaraimasa qini faiqi qara Reeubeenasa Simeeoonasara foora marifaranoo.

Oosana 48:5 Referans Kwoze

Oosana 46:20

Yooseefaana faiqiqara qaaraqanda Isipa maqasaa kambiqaqau. Miqanda nuqu Mannaseefa faqa Eefaraimmafa faqa mariqau. Miqanda ninoofa Aseenata nammarifa marinau. Aseenata nammarina akoona auqu Pootifeerafa marinau. Mi fasiqafa Qeerioporisa maqannaa amaana maqasaa rakisi marufa marinau.

Eefeesusa 1:5

Sia faiqí maru kamuqoo Anutufa narí aidiranannai maasara maaqimminau, qeeqa qisauku mundiranannai misa qini faiqi namu qiraamuqmaakai kammambifaqa qeeqa unnannai misa mara quqaanauree qinau. Anutuna aidirafa fuaninnana miqiminoo maridanoo.

Heeburu 11:21

Isakeena amaaku Yakooboofa innooqeenoo Anutuna saqariki marunara quandaki Isipa maqa maaqaki kisaaqasaa marinoo kuqiraridanoo narí amaaku Yooseefaana faiqiqara nifaaqooqa qimannimaqanau. Narí saunusaa aqini munduseenoo Anutunara innaaru qinau.

Oosana 48:1

Kaqikaaqoo mari kufaqa misa Yooseefaana qimamiqau. Ani akoofa doo amiqimma auridanoo. Yooseefaafa mi ufana iriseenoo narí amaaku qara Mannaaseesa Eefaraimasa nindiqeenoo narí akoofunnai ooqu finau.

Oosana 48:6

Anee akaqa faiqi namu maqa sainausa misa anindika mambi marifara. Misa nári nifasaa qanda Mannaseesa Eefaraimasakinaa qumiasana ainaina maree faranoo.

Idi Ufa 77:16

Oo Anutu, nammari fannoo ani qafamaseenoo rufiaseenoo, rakeeinoo. Ooruku nammari faruma meemai ooqu marifa faqa ani qafamasee aindirireenoo.