Oosana 48:15 - Anutuna Ufa

¹⁵ Miqi mandeenoo Yooseefaana afaaqooqa qimamaqeenoo qinau. Qini qikausa mara Abaraqaammana faqa Isakeena faqa nikoofa Anutufa maa faiqisa amiqi amiqimma nimaqaani. Qini qifiqamaree maaqoo maqee miniqaifaqa marunna Anutufa misa amiqi amiqimma nimaqaani.

Oosana 48:15 Referans Kwoze

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

Kooroosee 2:6

Inni Kooroosee maqannaasa akaqausa Anutuna asauku mundirana Yisunara maasa karaambaiqee qimasee umaraafanoo doo innee maqee minasaa mundiqa maridaqa nuaqa.

Heeburu 11:21

Isakeena amaaku Yakooboofa innooqeenoo Anutuna saqariki marunara quandaki Isipa maqa maaqaki kisaaqasaa marinoo kuqiraridanoo narí amaaku Yooseefaana faiqiqara nifaaqooqa qimannimaqanau. Narí saunusaa aqini munduseenoo Anutunara innaaru qinau.

2 Koorinti 1:12

Oo Koorinti maqannaasa maasa maqusa maqusa nidaqa inni faqa mariafananoo qini daakirafa irirafa maaqimandee qimaqimidanoo. Maasa inni faqa mariafananoo sia faiqí irirafa maasa uqaqifiqanau. Anutufa dadaaqufaqa narikinaana akooqoo anoona ufa faqa noori runusee auqarafa faqa, Anutuna afaarira amiqi amiqira afeeka faqa mifauqa kai rakisiqimaqee marifaqa inni faqa maridaqa minara maasa irisee nasuridaqa.

1 Koorinti 10:31

Qinee Pauroosa minara maaqi qidaqa Innee narana nammari aiqama ainaina neemarianara sia fee naanauree, naanauree, nana ainaina innaree, Anutuna amooqira ufa kambiqee marimau kai fuaqa.

Ruka 1:6

Mi qafaqiqanda Seekariasa Eerisabeetasa andeeqasee Anutuna ufamau fimaruqanda mariqau. Aiqama karaambaiqa Anutuna aaquqira ufa faqa naamuaqira ufa faqa mi mau fimaruqanda mariqau.

Idi Ufa 37:3

Yaaweena saqarikida andeeqara oosana kai maraida maria. Anee miqidana maa maqa maaqanaki kisaaqasaa kaqi marinanoo sia moo ainaina fannoo ani mandaikamma amaqaannoo. Anee aneenna maqa maaqaki kai marida asooaranaki maria.

Idi Ufa 23:1

Yaaweefa qini sipsipasaara foora rakisi qimaqee marifaqa qinee sia moo ainainara sarau ianaura.

Idi Ufa 16:8

Qinee aiqama kari Yaaweena afusaa marunnanara iridaqa. Mifa qini faqa marinara sia moo ainaina fannoo qini kasi kasimma qimaqaannoo.

Oosana 49:28

Doo miqimasee Yakooboofa narí faiqi namu indaaruqaana saa oosana araseenoo aiqama mafi nifaaqooqa qimasanau. Miqimasoofaqa misa qisauku qara taikasee qikunooqu qaara marasee oosana faiqi namu Isaraee maqannaa mariqau.

Oosana 49:24

Miqifanoo Yooseefaana duru fannoo sia paruparuqiannoo tipu kai qinoo mariannoo. Yakooboona Anutufa aiqama afeeka faqaafa mina afeeka aminanoo mina asauku fannoo afeekaikiannoo. Mi Anutufa Isaraee maqannaasa rakisirafa misa afeeka kukeeqara maqusa maridanoo.

Oosana 48:16

Qini oosana oosana madainaina kinaana itita qimaqoo qangiroofa misa amiqi amiqimma nimaqaani. Qini duqu faqa qini qikooqanda Abaraqaammasa Isakeesa nuqu faqa maa faiqi qandasaa mariani. Miqanda moomoo faiqi maqasaifanoo moomoo miqanda kiqari kambiqafi mariaqa.

Oosana 28:22

Maa daaqoo auqara oonina rakiqaunnana ani naaru amooqi fandinnaqoo mariannoo. Anee aiqama ainaina qiminaqa qinee qisaukuqara kinaana aninna amianaura.

Oosana 28:20

Yakooboofa mi maqana auqu ramaseenoo Karaambaiqara qima afeekaikinoo qinau. Qinee fimarianana anee qini faqa marida qinisaa rakisidana narana faqa qamunna faqa qiminaqa qinee amiqimmaseeqa qeeqa qikoona maaqai qumu raanana anee qini Anutufa marinnaranoo.

Oosana 28:3

Aiqama afeeka faqaa Anutufa ani faqa ani anaaqa faqa amiqi amiqimma nimaqaseenoo moomoo faiqi nimisainana anee moomoo maqannaasa nikoofa marinnara.

Oosana 24:20

Miqi qimaseenoo narí nammari taqu kai kaqi difaaniki adiaseenoo sandeenoo ooqu moo faqa saka mareenoo muru adia soofaqa kammeerauqa naqau.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

1 Teesaroonika 2:12

Maasa innee mandainaina maroofaqa reendeenamma nimaqeeaafanausa maridaqa. Anutufa inni naaraidanoo kasooqaqee innaarunai ooruree narí areenarana faqa narí ququsara faqa mina faqa marasee narí faqa mariaqee qidanoo. Maasa inniara minara iriseeqa innee maqee mariaqooqari Anutuna aidiramau kai fuaqa, minara fuki faaki qimariqiafana.

Rafudoo Akarafa 3:16

Anutufa kaifaa Mosena qimaminoo qinau. Anee ooquree Isaraee maqannaasa uriqararausa suqusee maaqi qimasee qimannimia. Yaaweefa inni ninaakusa mara Abarahaammana faqa Isakeena faqa Yakooboona faqa Anutufa qini qifusaa kooroo mafinoo qimaqiminoo. Misa qimannimia, qinee misa iannai aniree niqafaunaqa Isipa maqannaasa qumaara moomoo nimimariafaqa qafaidaqa.

Rafudoo Akarafa 4:5

Miqooqari Yaaweefa Mosena qimaminau. Anee ooqureenana Isaraee maqannaasa nifusaa mi ainainna auqainaqa misa qini Anutusara kuqaa Abarahaamana faqa Isakeena faqa Yakooboona faqa misa misa Anutufa kuqaa ani afusaa kooroo inoo fee qifaranoo.

Oosana 24:40

Qunanoo mifa qinoo, qinee Karaambaiqa ufa aiqama kari afaqee marunausa maridaqa, mifa narí angiroo aiqainanoo ani faqa fidanoo dadaaqinanoo anoona kambiqaannoo. Anee qini faiqi anaaqa qini maqannaasakinaana qini qikoona atikinaana mareennaranoo.

Oosana 27:27

Qufanoo Yakooboofa adeedi aaqa ani reenoo narí akoona amooqee marufanoo andanda unda afaaqaindari ufanoo udirama qafamaseenoo maaqi qimasee afaaqooqa qinau. Qini qimaaku afaaqai amiqira unda fannoo Karaambaiqa afaaqooqa qimamaqaqai maqana afundara foora idanoo.

Oosana 35:3

Maasa maaqooqari quqasee Beeteera maqa maaqai oonureeqa qini ummaara aukuana dadaaqi mari Anutuna qinee aiqama atinai nunanoo qini faqa mari Anutuna tatufirana suqara qainda auquanauranoo.

Oosana 49:22

Yooseefaafa anee irumu miqirafa maridana nammari afainni kambiqafi aqama moomoo ireennaranoo.