Oosana 47:23 - Anutuna Ufa

²³ Yooseefaafa faiqí anaasee qimanniminoo qinau. Doo innee qafaidee qinee maqee inni faqa inniqa maqa faqa feefaurumma Faraoona amiqa. Maqee narana asumu nimianaqa inneeqa maqa Faraoona amu maqanaki kafaa qummaquaqa.

Oosana 47:23 Referans Kwoze

2 Koorinti 9:10

Anutufa inni Koorinti maqannaa faqa dadaaqammiannoo. Mifa asumu faqa neemaria narana faqa nimimarifa maridanoo inni nimana asumu inni nimisainaqa ummaqusaifanoo Anutufa kambiqarana nimiannoo innee afaaramandee moo maqannaa narana dadaaqifanoo innee kafaa kafaa miqiaqee qimasee inni Anutufa irairaairana nimiannoo.

Mataioo 24:45

Ainaini mariasasaa rakisirafa amiqira fasiqa oosana maaqimminoo maridanoo. Mina firaafa minara qinoo. Anee qini ainainira faiqiuqasaa rakisida narana ainaina andeeqasee amiqimmasee nimisee rakisi marinaqa qinee moosaa fuanaura.

Aaquqira Ufa 13:23

Fuka maqaki kudi fasiqauqa narana ummaqusaafanoo moomoo marifa sia andeeqee mari siaasafa mi kudi fasiqausa ufa sia irinoo sia mina narana andeeqaisaifaqa fifau dapi mara taikaidaqa.

Aaquqira Ufa 12:11

Kaaqa ainaini mari fasiqana narana moomoo marifanoo naidanoo. Fifau unnaqira ainaina auquanoo nifa narana sia marifa maridanoo.

Aaquqira Ufa 11:26

Faiqí moo fannoo aandaroo narimarifanoo narí narana moomoo marifanoo saina munnimma nambaqa meeraqoo auqu ramasaanaqa qimiaqee qimarinara faiqí anaasee mi fasiqa anaaseena aquramma araidaqa. Kaqi feefauriaqee qimari fasiqana amooqidaqa.

Idi Ufa 112:5

Eedoo qimasee ufaasu munnimma nimimarifa faqa narí bisinisa kuqaa qira irirana mau kai auqee mari fasiqafa faqa asasiranaki maridanoo.

Idi Ufa 41:1

Kudi fasiqa aanaaseera irisee dadaaqi mariasa asasiaqa. Ummaara aukuanaki Yaaweefa miqimariasa uqeera kaqinni quqannisaannoo.

Oosana 45:6

Firaa aandaroo narirafa maa maqanasaa qaara aukuana marasee aiqaraifanoo moodaannai qisauku aukuana kaqi maridanoo. Mi kamuqoo fuka narana ummaqirafa faqa unakirafa faqa sia mariannoo.

Oosana 41:27

Dinni qisauku taikasee dinni oonu qaara marasee 7 burimakau nimudaani aanaaqi nammariki ururaasa faqa dinni qisauku taikasee dinni oonu qaara marasee 7 sakuma anoona siaina qafaannana oosana 7 aukuanaki aandaroo firaafa mariannoo.

Oosana 47:22

Isipa maqannaa amaana maqasaa rakisirausa maqa kai Yooseefaafa sia feefaurinau. Faraoofa maqee maqee munnimma nimi marufaqa narana feefaurummasaida neemarufaqa sia misa maqa feefauriqau.

Oosana 47:24

Narana anoona mambinaqa moodaaqoo unaku quqaseeqa aiqama moodaannai qisaukukinaana moodaa moodaa Faraoona amisee akaqana inneeqa faiqi aanaaseera faqa asumuara faqa quqaaqa.