Oosana 47:11 - Anutuna Ufa

¹¹ Yooseefaafa narí afasausa mara faqa narí akoona faqa Faraoofa uqoo Isipa maqa maqaki Rameeseesa maqusa aaqa soofaqa mariqau.

Oosana 47:11 Referans Kwoze

Rafudoo Akarafa 12:37

Isaraee maqannaasa sandeeqa Ramaseesa maqusa quqasee Sakoota maqusai fiqau. Misa nambaqa maaqimminoo marinau, 600,000 faiqí kai mariqau, sia faiqi anaasee nisaana riqau.

Rafudoo Akarafa 1:11

Miqi qimasoofaqa Isipa maqannaasa Isaraee maqannaasa karafusa saika nimiseeqa, afeeka rakisirausa misasaa rakisi mariqau. Isaraee maqannaasa karafusaki maridaqa qaara maqusa auqiqau. Moo maqusa auqu Pitoona maqusa auqusee moo maqusa auqu Raqamaseesa maqusa marinau. Mi maqusa qanda Faraoofa narana afeedimaru maqusa qanda marinau. Qafee maqannai kai maaqa usakeemariqau.

Oosana 47:6

Isipa maqa maaqa misaindi maridanoo. Sainaqa Kooseena maqa maaqaki mariaqa. Kooseena maqa maaqa amiqirafa maridanoo. Ani afasausa kinaana moo qafainanoo sipsipa burimakau amiqi mandee rakisi marinnana mina mareeqeenana quqasainanoo mifa qini sipsipa burimakausaa rakisiani.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

Yoohanee 17:2

Oo Anutu, anee aiqamausa rakisianneera afeeka eeraarira maraquna qiniki quqaqaananoo. Anee faiqí anaasee qumee rarisameeqaidana qimimariannana qinee misa naaru naaru marirana nimianeera mi afeekana qimiqaananoo maridanoo.

Yoohanee 14:23

Yisufa iriseenoo qinau. Yafasiqa anaasee fee qiniara rimarinafa qini ufa maree mari fasiqa anaaseefa mifa qiniara rimarifa mariannoo. Miqinna fasiqa anaaseena qini qikoofa Anutufa minara faqa ruannoo. Mifa faqa qinee faqa mi fasiqa anaaseesa innannai oonuree umee mina faqa marianaura, miqimaseeqa maasa inni nifusaa kai koorooianaura. Maqasaaqaraa irirana faqaasa nifusaa kukeeqaanaura.

Yoohanee 14:2

Qini qikoona innaaruna maqusaki moomoo maqa narí aaqa narí aaqa maridanoo. Qinee maindari ooruree innee ooru fifandinna maqana auqirara ooru fidaqa. Minara qinee kuqaa anoona ufa kai inni qimannimidaqa. Sia anoona marinaqau sia qimannimunaiqini. Kuqaa anoona marifaqa qimannimidaqa.

Yoohanee 10:28

Qinee naaru naaru marirana nimidaqa sia kuqifaranoo. Sia amana moo fannoo qini qisaukukinaana rafieefaranoo.

Yoohanee 10:10

Qummuarimari fasiqafa qummuaramasaina taikaanifeera fifau faafau qummuarianifeera faqa kuqannaruanifeera faqa kuridi nimaqaanifeera faqa aniannoo. Qinee faiqí anaasee asumu marirana nimianeera anidaqa. Sia kaqi dapi mariranarau qidau. Asumu marirana amiqirana moo faqa moo faqa rairaairana nimirara mina kai nimiraree qimasee qumidaqa.

Oosana 46:34

Oo maasa uriqararafa maasa qikeeku qikaaku ooqai sipsipa kai rakisi marusa marufaqa maasa faqa maqee minasaa kai rakisidaqa. Innee miqi qimasee Faraoona qimamifanoo mifa Kooseena maqa inni nimiannoo. Isipa maqannaasa sipsipa rakisiranara nikoo uqanna qaidanoo. Minara inni naaduma saa Kooseena maqa nimiannoo.

Oosana 47:27

Isaraee maqannaasa Isipa maqasaa Kooseena maqa maaqaki mariqau. Miqoo maridaqa moomoo ainaina faqaasa marufanoo misa faiqi namu faqa moomoo kambiqaqau.