Oosana 46:3 - Anutuna Ufa

³ Qufanoo Anutufa qimaminoo qinau. Qinee Anutusa ani akoona Anutusa maridaqa. Anee sia Isipa maqasaa ooqu firaranara rufiaa. Mi maqanasaa ooqu marinaqa ani aiku asauku firaa maqanaasaikamma nisaanaura.

Oosana 46:3 Referans Kwoze

Oosana 12:2

Miqoo oonu marinaqa ani faiqi moomoo amiananoo maqa maaqa qumbiqafi marifara. Qinee ani amiqi amiqimma amaqasaanana anee auqu faqaafa marinnaranoo. Miqimma finaqa anisaaqaraa amiqi amiqirana faiqí anaasee mareefaranoo.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.

Oosana 47:27

Isaraee maqannaasa Isipa maqasaa Kooseena maqa maaqaki mariqau. Miqoo maridaqa moomoo ainaina faqaasa marufanoo misa faiqi namu faqa moomoo kambiqaqau.

Oosana 22:17

Qinee kuqaa qima afeekaikammasee anisaa ani aruakinausa ani aiku asauku innaarunai fasaura foora moomoo marifaranoo nukudara foora ani amianauranoo. Ani aiku asauku namuqaa rafaaqa fusee misa ainaina maree marifaranoo.

Oosana 18:18

Mina saaqari kambiqainausa firaa maqannaa marifaranoo. Aiqama maqannaasa Abaraqaammana saaqaraanannai amiqi amiqimma nimaqaanaura.

Oosana 15:13

Miqida rufiee marufanoo Karaambaiqa Abarammana qimaminoo qinau. Anisaaqari kambiqainausa aanaamuruara foora moo maqannaasa maqasaa oonu maridaqa ainainira faiqikiqa marifaqa 400 aukuanaki manda fitiqnarana nimifaranoo.

Oosana 15:1

Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

Oosana 48:16

Qini oosana oosana madainaina kinaana itita qimaqoo qangiroofa misa amiqi amiqimma nimaqaani. Qini duqu faqa qini qikooqanda Abaraqaammasa Isakeesa nuqu faqa maa faiqi qandasaa mariani. Miqanda moomoo faiqi maqasaifanoo moomoo miqanda kiqari kambiqafi mariaqa.

Oosana 48:19

Miqi qufanoo mina akoofa qaoo qida qinau. Qini qimaaku qinee iridaqa miqidaqa. Indaaruqaafa mifa faqa mina aiku asauku moomoo marifaranoo. Inaaqiannaana aiku asaukuqa firaa afeeka maqannaauqanna marifaranoo narí afasaana ooraaqaranoo mariannoo.

Rafudoo Akarafa 14:13

Mooseefa misa ufa iriseenoo qimanniminoo qinau. Innee sia rufiaaqa, kaqi nimatautasee maridaqa Yaaweefa innee asumu mariaqeera itita nimaqainaqa qafeefaranoo. Maqee innee Isipa maqannaa amiqimasee nindafaaqa. Innee maaqooqari sia kafaa nindafeefaranoo.

Rafudoo Akarafa 1:12

Isipa maqannaasa Isaraee maqannaa kaifaa kaifaa ummaara nimimarufaqa misa moomoo uqanna kambiqafufaqa maqa maaqa qumbiaqau. Isipa maqannaa misa nindafeeqa kaaqa rufiee mariqau.