Oosana 45:10 - Anutuna Ufa

¹⁰ Anee faqa aneenna faiqi namu faqa aneenna anaiqi mara faqa inneeqa sipsipa faqa inneeqa mimmiuqa faqa inneeqa burimakau faqa inneeqa aiqama ainaina faqa indaa mamaree qumuraifaqa Kooseena maqa nimianaqa qini daaqa mariaqa.

Oosana 45:10 Referans Kwoze

Rafudoo Akarafa 9:26

Kooseena maqa maaqaki Isaraee maqanaasa maruqoo kai pupu samu sia aqufinoo narinau.

Rafudoo Akarafa 8:22

Miqi mafinaqa qinee Kooseena maqa maaqaki qini faiqí anaasee mariasasaa ititasaana sia faufaari iannoo. Qinee miqianana anee qini Yaaweesara mi maqa maaqanaki maridanoo fee qinnaranoo.

Oosana 46:34

Oo maasa uriqararafa maasa qikeeku qikaaku ooqai sipsipa kai rakisi marusa marufaqa maasa faqa maqee minasaa kai rakisidaqa. Innee miqi qimasee Faraoona qimamifanoo mifa Kooseena maqa inni nimiannoo. Isipa maqannaasa sipsipa rakisiranara nikoo uqanna qaidanoo. Minara inni naaduma saa Kooseena maqa nimiannoo.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

Oosana 47:1

Yooseefaafa narí afasausa moodaannai qisauku namu nifiqeenoo Faraoo fuqoo ooru finau. Oorureenoo qimaminoo qinau. Oo Faraoo qini qikoofa faqa qini qifasausa faqa Kannaana maqusaindari nári sipsipa burimakau aiqama faqa nári ainaina faqa maree qumidaqa. Maqee misa Kooseena maqasaa qumu maridaqa.

Oosana 47:6

Isipa maqa maaqa misaindi maridanoo. Sainaqa Kooseena maqa maaqaki mariaqa. Kooseena maqa maaqa amiqirafa maridanoo. Ani afasausa kinaana moo qafainanoo sipsipa burimakau amiqi mandee rakisi marinnana mina mareeqeenana quqasainanoo mifa qini sipsipa burimakausaa rakisiani.

Oosana 47:4

Aandaroo firaafa uqanna Kannaana maqasaa darifanoo maasa sipsipauqa nara andanda sia marifaqa maasa maa maqa maaqanaki marirara umidaqa. Amanee eedoo qirana qiminaqa maasa Kooseena maqa maaqaki marianauree.

Oosana 47:12

Miqiqa miqoo marufanoo Yooseefaafa narí akoona faqa narí afasausa mara faqa narí akoona aiku asauku marusa faqa kaaqa aanaaqi faiqiuqa faqa narana nimi marinau.

Estaana 10:3

Mi Yuda maqannaa fasiqafa Moodeekaifa kinna Serkisisana namba 2 marinau. Yuda maqannaasa minara firaaqoo uqanna nidimarufaqa misa mina firaa auqu amimariqau. Amimarufanoo mifa misa dadaaqinaqa amiqimmasee ooqu mariaqeera ainaini marinau. Mifa miqimma sainaqa misa niku nisauku kasooaqee kambiqainausa misa sia moo ainainara rufieefaranoo amiqimmasee marifaranoo.