Oosana 44:8 - Anutuna Ufa

⁸ Maasa ooqai indaaru narana feefauriafanna munnimmafa maasa uqaki maruna mina maasa sia qumuariqa mina Kannaana maqusaindari mara maree kafaa muqu ani amiqa. Maasa miqi marunausa maridaqa naqi maseeqee ani uriqararana maaqakinaa siruaa faqa koora faqa maraanauree.

Oosana 44:8 Referans Kwoze

Roomma 13:9

Mooseena sandufakinaafa akaqafa maaqimminoo maridanoo. Sia faiqí anaasee narí ummuari narí ummuariaqa. Faiqí faqa anaasee faqa faiqi faqa sia kuqannaruqa misa fidika sia ruqiaaqa. Sia narí ainaina narí ainaina ummuariaqa. Sia moona ainainara amuqusinana marara aaqoo iria. Mi sandufausa faqa akaqa sandufauqa faqa moodaa ufa fannoo mi sandufausa aiqama rafaaqafinoo maridanoo mi moodaa ufafa maaqimminoo maridanoo. Anee aneennara amuqusi marianandee maseenana mi amuqusirafa kai aqoonnanara amuqusiani. Mi ufafa aiqama sandufa aruseenoo mifa anoonaikidanoo.

Mataioo 19:18

Miqi qimasoofanoo mi fasiqafa iraidanoo qinau. Nana sandufee maraanauree. Yisufa qimaminoo qinau. Innee sia kuqa naruaqa, sia faiqí anaasee ummuariaqa, sia ainaina ummuariaqa sia kootaki moosara unna ufa qiaqa.

Rafudoo Akarafa 20:15

Innee sia moona ainaina umuariaqa.

Oosana 44:7

Qimannimisoofaqa misa qiqau. Oo uriqararafa maasa ani ufa oosanara randaidaqa. Sia uqanna maasaki maaqira manda oosana maridanoo.

Oosana 43:12

Innee moomoo munnimma qaara kari afaqamaree ooqu fuaqa. Innee ooqai munnimma inni uqa adianai marufaqa qafaqau. Abee, aaqamasee munnimma inni uqaki kafaa quqaqau.

Oosana 42:35

Qimamiseeqa nári uqauqa idukusee ooraqasee qafoofanoo aiqamausa munnimma kaqi marinau. Misa qafamasee nári nikoona Yakooboona faqa rufiaqau.

Oosana 42:27

Yooseefaana afasausa mara narana nári doonkisaa quqasee maree fifii ufaqa eendufaqa aanai uiqaana arasee faiqarara imarufanoo mina afasaafa moofannoo narí doonki narana amirara narí uqa ooraqasee qafoofanoo mina munnimma uqa adianai marufanoo qafanau.

Oosana 42:21

Eedoo qimasee narí qimami narí qimami qiqau. Innisaimbaqa kuqaa qeeqa qikaqa mandaikamma amaqa qiafana. Mifa firaa ummaaraki maridanoo dadaaqiaqee qimarufaqa innisaimbaqa sia iriqiafana. Minara maasa maqee maa ummaaranaki maridaqa.

Oosana 43:18

Yooseefaana maaqai nifiqee munu quqarara fimarufaqa misa rufiaidaqa oonumafi irimariqau. Indaaru narana feefauriafanna munnimmana maasa mara mareeqa qimaaqai murusee mi munnimmana maasa uqaki paquriafannana akiiqara maasa mai qifiqee anidanoo. Misa kai kaqi maasa darusee maasa doonkiuqa marasaifaqa maasa misa ainainira faiqikianaura.