Oosana 44:1 - Anutuna Ufa

¹ Namasoofanoo Yooseefaafa narí maaqakinaa ainainasaa rakisi maru fasiqana qimaminoo qinau. Anee misa uqa maraseenana minakiaqa narana uqa ruma qumbiqasainaqa maree fuaqa. Moo uqa sia apeequniani. Amana kai marinaqa maree fuaqa. Misa munnimma faqa narana feefauriana nariqa uqa adianai rumasainaqa maree ooru fuaqa.

Oosana 44:1 Referans Kwoze

Oosana 42:25

Yooseefaafa narí ainainira faiqiuqa qimannimufaqa narana mina afasausamara uqa umbiqaseeqa misa munnimma kaifaa nariqa uqa adianai uqarumasee nimiaqa, aanai fida neefandinna narana faqa nimiaqa qufaqa eedoo qimasee miqimma nimiqau.

Oosana 43:16

Yooseefaafa Beensaminna qafamaseenoo narí maaqakinaa ainainasaa rakisi maru fasiqana qimaminoo qinau. Anee maa fasiqausa nifiqeenana qini maaqaki munu quqaa. Misa suani qambaana qini faqa narana neefaranoo. Anee aandau aruseenana deedaqia.

Oosana 43:19

Misa miqi qimiriseeqa mina ainainasaa rakisi maru faiqina maaqa kooqiki oonuree qimamiqau.

Oosana 43:2

Isipa maqa maaqai feefaurummamaree murusoo naranna Yakooboona aiku asauku nama taikasoofanoo Yakooboofa narí faiqi namu qimanniminau. Kaifaa ooquree kaqikaa narana feefaurumma murusaifaqa naa.

Oosana 24:2

Abaraqaammafa nári oosana maraseenoo nári ainainiranasaa kisaaqasaa rakisi maruna aaramaseenoo qimaminoo qinau. Anee aneenna asauku qifundana ameemaanai aususee afeekaika masee qima afeekaikia.

Oosana 44:2

Miqidana inaaqiannaana uqakina narí munnimma narana feefaurina namufaqa qini siruaa kaafa faqa mina uqa adianai rua. Miqi qimasoofanoo mifa qimamundee inau.

Oosana 42:35

Qimamiseeqa nári uqauqa idukusee ooraqasee qafoofanoo aiqamausa munnimma kaqi marinau. Misa qafamasee nári nikoona Yakooboona faqa rufiaqau.