Oosana 43:16 - Anutuna Ufa

¹⁶ Yooseefaafa Beensaminna qafamaseenoo narí maaqakinaa ainainasaa rakisi maru fasiqana qimaminoo qinau. Anee maa fasiqausa nifiqeenana qini maaqaki munu quqaa. Misa suani qambaana qini faqa narana neefaranoo. Anee aandau aruseenana deedaqia.

Oosana 43:16 Referans Kwoze

Oosana 44:1

Namasoofanoo Yooseefaafa narí maaqakinaa ainainasaa rakisi maru fasiqana qimaminoo qinau. Anee misa uqa maraseenana minakiaqa narana uqa ruma qumbiqasainaqa maree fuaqa. Moo uqa sia apeequniani. Amana kai marinaqa maree fuaqa. Misa munnimma faqa narana feefauriana nariqa uqa adianai rumasainaqa maree ooru fuaqa.

Oosana 43:19

Misa miqi qimiriseeqa mina ainainasaa rakisi maru faiqina maaqa kooqiki oonuree qimamiqau.

Aaquqira Ufa 9:2

Irirafa narí aandau arusee suqeenoo. Narana faqa uainna nammari faqa deedaqamma narana neemaria qaindanasaa oomaqa saka quqanau.

Oosana 44:4

Doo mareeqa kaqi kaaqoo maqusa quqasee nianai fufanoo Yooseefaafa narí ainainasaa rakisi maru faiqina aiqeenoo qinau. Anee kai kaqi misa ninaaqianna fua fidana oonu misa rafaaqafusee maaqi qimasee qimannimia. Innee naqi fee ifaqee qinee amiqimma nimaqaunnana akiiqara mandaikamma qimaqee fee. Miqi qimasee qimannimia.

Oosana 31:54

Miqi qimaseenoo Yakooboofa aandau aruseenoo mi aaqannasaa Anutuna aandau tatufusee suqaminau. Suqa amiseenoo Yakooboofa narí aiku asauku naaramasoofaqa moodaaqoo ooqu mari fufaqa mi aandauna ataraasa naqau. Namasee mi aaqannasaa faiqaqau.

Oosana 26:30

Miqi qimasoofanoo Isakeefa qoomaqa deedaqinau. Deedaqammasoofaqa misa narana namaseeqa faiqaqau.

Oosana 21:8

Isakeefa aaqoo irinoo naamma minnisoo faasaana Abaraqaammafa qoomaqa firaaqoo suqananau.

Oosana 15:2

Abarammafa mi ufana iriseenoo narí qimaminoo qinau. Oo uriqarara karaambaiqa anee nana qumiasanee qini qiminnaree qinee faiqi siaisa maridaqa. Maa qini ainainira faiqi auqu Eerieseerafa Damaskusa maqusaindaraafa mifa kai maridanoo qinee kuquananoo qini ainaina maraannoo.

Oosana 43:17

Ainainira faiqi fannoo mifa qimamundee inoo misauqa nifiqee Yooseefaana maaqaki munu quqanau.