Biblia Todo Logo
Bib sou entènèt

- Piblisite -




Oosana 43:12 - Anutuna Ufa

12 Innee moomoo munnimma qaara kari afaqamaree ooqu fuaqa. Innee ooqai munnimma inni uqa adianai marufaqa qafaqau. Abee, aaqamasee munnimma inni uqaki kafaa quqaqau.

Gade chapit la Kopi




Oosana 43:12
12 Referans Kwoze  

Yooseefaafa narí ainainira faiqiuqa qimannimufaqa narana mina afasausamara uqa umbiqaseeqa misa munnimma kaifaa nariqa uqa adianai uqarumasee nimiaqa, aanai fida neefandinna narana faqa nimiaqa qufaqa eedoo qimasee miqimma nimiqau.


Qimamiseeqa nári uqauqa idukusee ooraqasee qafoofanoo aiqamausa munnimma kaqi marinau. Misa qafamasee nári nikoona Yakooboona faqa rufiaqau.


Yisufa asauku mundirafa sia minaki oosana oosana irirafa marifa. Eenda faqa maqee faqa naaru naaru faqa amanamana kai andeeqara irira oosana marifa maridanoo. Innee faqa miqiaqa.


Innee aiqama amaana ufa sia kaqi iriaqa aiqama ufa aiquqummasee iriseeqa anoona ufa kai iriaqa.


Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.


Oo qini qikaqaafasaauqa qini taikara ufa maaqimminoo maridanoo, inni iriranara qimannimidaqa, innee inneeqa kai amiqira ainainara irirafa faqa uriqarara ainaina faiqí amooqimaria ainainnara irirafa faqa minauqara kai maqee maqee naaqoo nitikuraki inni irirafa qumbiqaani. Kuqaa qimaria ufana faqa naaquqara amiqira ainaina faqa andeeqarana faqa anukara ainaina irirana faqa idaaqira ainainara irirana faqa amiqira oosana ainaina Anutufa amana iriaqaa ira ainaina faqa mi ainainausara kai nitikuraki qumbiqanoo mariani.


Maasa irirafa minara maaqimminoo maridanoo. Maasa Karaambaiqa Anutuna afusaa faqa maqasaa fasiqa nifusaa faqa andeeqaramau fidaqa rakisianaura.


Sia moona ummaara ameemaanai keeqana maria aufadaranaki kai maria. Moodaa ummaara ameemaanaki kai keeqaqa mariaqa. Nariara nariara nidimarinaqa mi moodaa ummaaranaki kai keeqaqa mariaqa. Faiqí anaasee moo fannoo narí aqoonna fasiqanaaseera amuqusinanoo Mooseena sandufa doo qumareenoo mi sandufana anoona paqurinoo kooroo idanoo.


Moo fasiqa anaasee fannoo ani mandaikammamaqainana sia anee mina akiaqara mina mandaikammamaqa, aiqama fasiqanaasee amiqira oosanee qimariana, mi oosanna amanamasee mi oosanamau kai fuaqa.


Inneeqa nikaqa afiqee ooqurandee kai kaqi uruaqa.


Maasa mai feefauru mamaree ooru fiiufaqa aanai ooru faiqarara uiqaana arasee maasa qeeqa sakuma uqa sanda idukusee qafaafananoo maasa aiqamausa aquafanna munnimmafa aiqama maasa uqauqa adianai marinau.


Maasa mi munnimmana fabaqa maasa qeeqaindi moo faqa fiqaramasee narana feefaurirara maree qumidaqa. Yafee moo fannoo maasa uqakiaqa maasa narana feefauriafanna munnimmana kafaa uqarinau fee.


Swiv nou:

Piblisite


Piblisite