Oosana 43:11 - Anutuna Ufa

¹¹ Miqi qufanoo misa nikoofa qimanniminau. Doo amana inneeqa miqiqa miqiaqa. Innee maa maqa maaqana kinaana amiqira ainaina inneeqa uqaki rumammareeqa kaqi nimi maria ainainnara foora muqu mi maqannaasa uriqararana amiaqa. Saqari anoona qoodaa faqa ookasaasa anoona qoodaa faqa adiafaa imari saqari qaqamana anoona faqa oofauna fooqaa ira ainaina anoona faqa kasa fooqaana anoona faqa maree ooqu fuaqa.

Oosana 43:11 Referans Kwoze

Oosana 37:25

Aquseeqa miqoo ooqu faqee narana naidaqa tautummasee qafoofaqa Isamaeerana aiku asauku aniqau. Misa Kireeata maqa maaqaindari Isipa maqa maaqai fimariqau. Misa adiafaa imarufaqa neemaru ainainna faqa afundimaru saqari anoonnana faqa mara kammeerasaa quqeesee Isipa maqannaasa feefauriaqeera maree fiqau.

Aaquqira Ufa 18:16

Anee uriqarara fasiqa qafaanee qimasee moo ainaina mina amira ainaina mara maree finanoo amanaika miannoo.

Aaquqira Ufa 21:14

Faiqí moo fannoo ani faqa aanoo qimarinana anee kukeeqasee ainaina amisainanoo mina aanoo qirafa taikaannoo.

Aaquqira Ufa 19:6

Aiqamausa uriqarara fasiqa aqoondikiranaki keeqeefaranoo. Ainaina nimi mari fasiqanara aiqamaus minara unna qimasee qini qiqoondi fee qidaqa amooqidaqa.

Aaquqira Ufa 17:18

Akaqausa amiqira irirana siaisa kai moona aaqarana akiiqara idaqa.

Idi Ufa 76:11

Innee inneeqa Anutuna Yaaweena amiraree qimasee qima afeekaika maqaa ainaina sia minnisaa, kuqaa mina amia. Adeedi maria anaamurusa innee faqa aqoondikira ainaina mina amiaqa. Anutufa qifaqa aiqama faiqí anaasee minara rufiaidaqa.

Idi Ufa 72:10

Sipeena maqannaa karaambaiqauqa faqa kaqikaa afuma kiaqa maria karaambaiqausa faqa amiqira ainaina mara maree Isaraee maqannaasa karaambaiqa mini amifaranoo. Seebaa faqa Sibaa maqannaa karaambaiqauqa faqa amifaranoo.

Idi Ufa 68:29

Anee aneenna uriqarara amaana maqaki Yeerusaree maqusai mariannanara, moomoo maqanaa karaambaiqauqa kaqi nimimaria ainainnaa maree mini ani amifaranoo.

Estaana 4:16

Anee oonu Susaa maqusaki aiqama Yuda maqannaasa suqu uqasee qimannimia innee qaarammoo faasaana faqa eendaki faqa narana faqa nammarifaqa auramasee sia naaqa. Kaifa qinee faqa eeqá ainainira manaaqauqa faqa miqi kai iqa narana faqa nammari faqa auramasee sia naanauranoo. Miqimmaseeqa inaaqianna qinee kinna innai fuanauranoo. Kaqi qinee sandufa rukiaanauranoo. Qinee miqimmasee kuquananoo sia ufa mariannoo kaqi qinee kuquanaranoo.

Oosana 43:14

Aiqama afeeka faqaa Anutufa dadaaqinanoo mi fasiqafa inniara qimudaoo qiani. Qimudaoo qimaseenoo Beensaminna faqa inni nikaqa moo faqa kafaa nimiani. Qinee qini faiqi namu kakasifanoo doo saina kakasiani.

Oosana 33:10

Miqi qufanoo Yakooboofa qinau. Qinee ani aqoondikiqa amunna ainainausa kaqi maraa. Anee qini kaaqa aqoondi kiannanara qinee ani oori Anutuna ooriara foora qafaidaqa.

Oosana 43:10

Maasa sia ani faqa kisaaqasaa ufa qifau, maasa amana qaara kari ooquree ururee unaiqini.

Oosana 43:15

Miqi qimasoofaqa Yakooboona faiqi namu mi saqari anoonausa faqa munnimma moomoo qaara kari mara maree Isipa maqa maaqai Beensaminna faqa afiqeeqa ooqu fiqau. Miqoo misa Yooseefaafa maruqoo ooqu kikiqa mambufanoo Yooseefaafa misa nindafanau.

Oosana 43:25

Miqimmasee misa nári maree qumu ainainausa Yooseefaafa suani qambaana anirainaqa amiraree qimasee deedaqiqau. Yooseefaafa suani qambaana inni faqa narana naanauranoo fee qimasee qimannimunara irisee deedaqiqau.

Oosana 43:26

Yooseefaafa maaqai aniroofaqa misa nári maaqaindari maree qumu ainainausa mara maree maaqaki mifa marunnai ooruree mina oorinni noorindari maqasaa aqufiqau.

Rafudoo Akarafa 3:8

Qinee innaarunaindari qumuree Isipa maqannaasa nisaukukinaana mareeqee firaa maqa maaqa ainoo faqaa maqa aiqama ainaina rairaa imariqoo quqaanauranoo. Mi maqanasaa Kannaana maqannaasa faqa Heeta maqannaasa faqa Amoora maqannaasa faqa Peerisita maqannaasa faqa Hifita maqannaasa faqa Yeebusa maqannaasa faqa misauqa mariaqoo quqannisaanaura.