Oosana 42:21 - Anutuna Ufa

²¹ Eedoo qimasee narí qimami narí qimami qiqau. Innisaimbaqa kuqaa qeeqa qikaqa mandaikamma amaqa qiafana. Mifa firaa ummaaraki maridanoo dadaaqiaqee qimarufaqa innisaimbaqa sia iriqiafana. Minara maasa maqee maa ummaaranaki maridaqa.

Oosana 42:21 Referans Kwoze

1 Yoohanee 1:9

Maasa nári mandainaina oosana oosana Anutuna akooroomma nisainanoo mifa andeeqee marifa maridanoo andeeqa qimaqaannoo mifa maasa numoo taika qiseenoo maasa mandainaina aiqama anukama qisaannoo narí ufamau andeeqasee fimarifa maridanoo mi mau fuannoo.

Yameesa 2:13

Innee inneeqa niqoonausara sia nimuqusirana nimifanoo Anutufa faqa inniara faqa sia amuqusirana nimiannoo. Nariqa niqoonausara nimuqusidaqa dadaaqimariasa sia Anutuna ufara rufieefaranoo, amiqimasee marifaranoo.

Mareekoo 9:48

Miqoo faiqí neemaria kadiarusa naaru naaru sia kuqidaqa ida faqa naaru naaru sia dimbaida kaqi qaida maridanoo.

Mataioo 7:2

Anee mi aikana kai raquru niminaqa Anutufa mi aikanannai kai ani faqa raquru amiannoo. Anee nana aqira ufa faiqí anaasee akaqausa niminanoo Anutufa mi ufanannai kai aninna rafaaqafu amaqaannoo.

Aaquqira Ufa 28:17

Faiqí kuqa arinafa narí madika indufidanoo. Sia moo fannoo mina dadaaqiannoo.

Aaquqira Ufa 21:13

Kudi fasiqa fannoo dadaaqiaqeera nammeera qinana anee sia irinana kasooaqee anee faqa nammeera qinaqa sia moo fannoo iriannoo.

Oosana 41:9

Minara tutu qidaqa randee marufanoo Faraoona uainna tati maru fasiqafa Yooseefaanara iriseenoo Faraoona qimaminoo qinau. Oo karaambaiqa maqee kai qeeqa furufariafanna oosanna oonu mafi iriseeqa kooroommasee qimamidaqa.

Oosana 45:3

Yooseefaafa narí afasausa mara maaqi qimasee qimanniminau. Qinee maana Yooseefaasa maridaa. Kuqaa fee qini qikoofa kaqi fee maridanoo fee. Miqi qufaqa mina afasausa mara tautu maseeqa naaquqoofaqa sia ufa qiqau.

Oosana 50:15

Yooseefaana akaqaa fasaauqa misa nikoofa kuqufufaqa Yooseefaanara rufieeqa narí qimami narí qimami qiqau. Ooqai maasa Yooseefaana mandaika mamaqaafanausa marida. Mina akiiqara iannoofee.

Oosana 44:16

Miqi qimasoofanoo Yudafa qinau. Oo uriqararafa maasa nana ufa fee ani qimamianauree. Maasa naqi mandee fee maasa qeeqa andeeqaranara qianauree. Anee maasa kikiqa qusimariannana naqimmasee fee qaoo qianauree. Anutufa maasa aaqarana koorooinoo. Sia kaafa maraifa kai ani ainainira faiqi mariannoo, maasa aiqamausa ani ainainira faiqi marianaura.