Oosana 42:2 - Anutuna Ufa

² Isipa maqa maaqai narana maridanoo mifoo qiafaqa iriqa. Miqoo ooqureeqa akaqa narana feefaurumma maree murusaifaqa namasee sia kuqua.

Oosana 42:2 Referans Kwoze

Oosana 43:8

Miqi qimasee Yudafa narí akoona maaqi qimasee qimaminau. Qipoo anee maasa qikaqa qini qisaukuki quqasainaqa maasa doo findifi ooqu fuanauranoo. Miqinaqa maasa sia daara rainaqa kuqunauranoo.

Mataioo 4:4

Yisufa iriseenoo afaannauqa firaana qimaminau. Anutuna akarakina minara maaqimminoo maridanoo. Faiqí narana kai mina kai namasee sia amana marifara. Anutuna ookinaa ufa namufaqa namaseeqa neeqa amana marifaranoo. Qinee mina Anutuna ufamau kai fuanaura. Ani ufa siamma irianaura.

Idi Ufa 118:17

Qinee sia kuquanaura. Qinee kaqi maridaqa Yaaweefa dadaaqu oosanara koorooianaura.

Oosana 45:9

Innee kai kaqi qini qikoo finnai ooruree ani amaaku Yooseefaafa maaqi qinoofee qimasee qimamiaqa. Anutufa qini mareeqeenoo aiqama Isipa maqa maaqasaa rakisira faika maqaifaqa maridaqa. Sia kisaaqasaa maria, kai kaqi qinee unnannai qumua.

Oosana 43:4

Anee qini qikaqara eedoo qinaqa maasa afiqee ooquree ani narana feefaurianaura.

Oosana 43:2

Isipa maqa maaqai feefaurummamaree murusoo naranna Yakooboona aiku asauku nama taikasoofanoo Yakooboofa narí faiqi namu qimanniminau. Kaifaa ooquree kaqikaa narana feefaurumma murusaifaqa naa.

Oosana 42:3

Miqi qufaqa Yooseefaana afasausa mara moo anaasee faiqi namu qisauku qara taikasee marusa narana feefaurirara Isipa maqa maaqai ooqu fiqau.

Idi Ufa 33:18

Yaaweena afu fannoo nariara rufiee mariasa dadaaqirara misasaa maridanoo. Yaaweena naaru marira amuqusiranasaa mundimariasa misasaa Yaaweena afu fannoo rusinoo maridanoo.

Idi Ufa 33:19

Mifa kuqiranasaa itita nimaqaidanoo. Mifa aandaroo aukuana faqa rakisi nimaqaidanoo.