Oosana 41:8 - Anutuna Ufa

⁸ Mi kananaanna Faraoofa findi fufanoo moomoo irirana maroosia Isipa maqannaa irirana faqaasa faqa afunee fasiqauqa faqa naaranau. Naaramaseenoo narí qainuna qimannimufaqa sia moo fannoo amana mina oosana narí qimamiqau.

Oosana 41:8 Referans Kwoze

Rafudoo Akarafa 7:22

Faraoona afunee fasiqauqa nariqa afuneennoo Aaroonafa undee iqau. Miqufanoo Faraoofa Yaaweefa qundee inoo kaukaata qinoo Mooseesa Aaroonasa ufa sia irinau.

Mataioo 2:1

Eeroodeefa rakisimaru aukuanai Yisufa Yuda maqa maaqaki moo maqusaki Beetareeqeemma maqusai kambiqanau. Yisufa kambiqoofaqa irirana faqaasa fasau asaana rimarusa, fasau asaana rumasoofanoo uqannifiqoofaqa suani afu oosana qaanaindari nianaindari faiqaqa aniufaqa Yeerusareenni aniqau. Misa aniree Yeerusaree maqannaasa irammiriqa qiqau.

Rafudoo Akarafa 7:11

Faraoofa mina qafamaseenoo narí irirana faqaa fasiqauqa faqa narí afunee fasiqauqa faqa naaroofaqa anireeqa nári afuneennoo Aaroonafa auqoo ainaina auqaqau.

Rafudoo Akarafa 8:7

Isipa maqannaa afunee fasiqauqa misa faqa nári afunee auqusoofanoo eeqamoosa moomoo nammarikiqari Isipa maqa maaqaki qumbiqaqau.

Oosana 40:8

Qufaqa miqannda qiqau. Maaqanda qaina maqaqee idaqa qaina oosana qimannimi marifa sia marifaqa maaqanda minara oonu mafi irida maridaqa. Yooseefaafa miqanda ufa iriseenoo qima niminau. Anutufa kai qaina oosana qimannimirana nimidanoo. Inneeqa qaina qima qimifaqa iria.

Oosana 40:6

Mi kananaanna miqanda noori runusee marufanoo Yooseefaafa ani nindafeenoo iramirinoo qinau.

1 Koorinti 1:19

Ooqai tamummaqara fasiqauqa minara maaqi qimasee akara riqau. Irirana faqaasa Anutunara sia irimaria irirana qinee qeeqa Anutusa kuridinnimaqaanaura. Aiqama firaa irirana irimariasa aiqama misa maa maqanasaaqaraa irirana rukasaanauranoo. Tamummaqarausa ufa oosana miqiminoo maridanoo.

Idi Ufa 25:14

Yaaweefa mina ufa qaindusi mariasa niqoondi maridanoo. Mifa narí moodaanaki kira ufa qimaqoona kafaa qimannimidanoo.

Rafudoo Akarafa 9:11

Isipa maqannaa afunee fasiqauqa sia amana Mooseena afusaa anirana amanaikiqau. Misa faqa aiqama Isipa maqannaa undee kai inoo abeema nárí marunara sia Mooseefa maruqoo aniqau.

Oosana 41:7

Anoona siai sakummafa quandaku fanoo anoona faqaa sakumma aiqama namasanau. Mi qainna maseenoo Faraoofa tauti findi fufanoo Boo moo qainammidaqee qinau.

Oosana 41:15

Aniroofanoo Faraoofa qimaminau. Qinee qainammasaunaqa sia moo fannoo mina oosana qimaqimia faqa iriqa. Anee qaina oosana kooroo qimarianafa mariannanara qimaqimiafaqa aaraidaqa.

Oosana 41:24

Ira fifaqa qafaunanoo anoonna siaifa indaaru iraina anoona sakumma nambiqamasaafaqa qafeeqa. Qinee mi qainnana afunee fasiqauqa qima nimunaqa sia moo fannoo mina oosana qimaqimia.