Oosana 4:8 - Anutuna Ufa

⁸ Miqi qimasoofanoo Kainafa narí akaqa Abeerana qimaminoo qinau. Aninaqa aana fua. Miqanda moosaa oonureeqa Kainafa narí akaqa Abeerana kuqa arinau.

Oosana 4:8 Referans Kwoze

Yudeesa 1:11

Misa narirafa firaaqoo mariannoo. Minara irifanoo naaquqaani. Misa Kaina aatata fidaqa. Kainafa Anutuna ufa rukiee marufa maridanoo narí akaqa arinau. Misa kafaa Baraamana manda aatata fidaqa minaki keeqararee qimaseeqa narí rarisee narí rarisee mamaree fidaqa. Baraamafa munnimmara rumammareenoo unna qimasee Isaraee maqannaasa rarisameeqee mandainainaki quqee marinau. Misa moo fasiqa ooqeenaa fasiqa Kooraana aanna raidee qimasee Mooseenasaaqari rakeemaku aadumarunna nariara moo karaambaiqee qimasee fufanoo Anutufa mina faqa mina aiku asauku mina faqa fusa faqa narinau. Maa inniki mandoosana uqeeree mariasa nariqa kai nári narirana mareeqee Anutuna nariranaki quqaseeqa minaki maridaqa.

Ruka 11:51

Mi aiqama kuqannarirana akiaqara qinee aiqama mareeqee maqee mariasasaa quqaanaura.

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Idi Ufa 55:21

Mina afaurusaa ufa fannoo fadameenara foora amiqi amiqi qimarifanoo mina amuqusaki qari rakirafa kai kambiqee marifa maridanoo. Mina ufa fannoo fadameenara foora farindaidanoo mi ufana anoona aseema miqirafa maridanoo.

Idi Ufa 36:3

Misa nookinaa ufa fannoo manda ufa faqa unnufa faqa kai maridanoo. Misa sia iriqaraasammasee auqara oosanara faqa andeeqara oosana faqa auqaidaqa.

Idi Ufa 139:19

Oo Anutu anee mandoosana maree mariasa narinnaranoo fee qidaqa. Faiqí fidika ruqiqee mariasa qini quqasee fififaqa qeeqaraa marianauree qidaqa.

Heeburu 11:4

Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.

Oosana 4:25

Adamafa kaifaa narí anaaqa faiqi mara amisoofanoo amuaqu qaikinoo akoonaiqi moo maqaseenoo mina auqu Seetanee qinau. Miqi qimaseenoo mina anoofa qinau. Anutufa qini qimaaku moo qiminoo narí afasaana Abeerana amaaqa maqaanifeera qiminoo mifa Kainafa aruna amaaqa maqaannoo.