Oosana 4:4 - Anutuna Ufa

⁴ Abeerafa mifa faqa Anutuna tatufu amiraree qimaseenoo narí firimaru aandausakinaana ooqasaa maqarana afaaqafaqaana aruseenoo amiqira afaaqa kai tatufirana suqa aminau. Abeerana tatufirana Anutufa qafeenoo amiqira fee qimasee asasinau.

Oosana 4:4 Referans Kwoze

Heeburu 11:4

Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.

Aaquqira Ufa 3:9

Anee aneenna nara ainaina amiqirana kai aneenna maqakinaana unakuseenana Anutuna tatufirana suqa amia.

Rafudoo Akarafa 13:12

Mifa inni mi maqana niminaqa innee ooqa faiqi akoonaiqiuqa Yaaweena amiaqa. Aiqama aandau ooqasaa maqarana akoonauqa Yaaweenaindi mariani.

Heeburu 9:22

Miqidanoo Mooseena sandufamau aandau fidikannai kai aiqama ainaina anukee marinau. Faiqí mandainaina faqa fidika teeqiranannai mi manda ainainna anukee marinau.

Idi Ufa 20:3

Mifa anee aminna ainainara eedoo qimasee ani aiqama aandau tatufiranara faqa asasiani.

Oosana 15:17

Suani keeqoofanoo eendirara mammandufanoo Abarammafa qafoofanoo qafeeki idamuna namu faqa qooma namu faqa akooqoo narí kai kambiqafinoo aandau afoomma dinni dinni quqaqoona qambaana runna finau.

Uqafiqoo Ufafa 13:8

Aiqama maa maqa maaqana afaaqasasa mariasa mi kaasau aandaunara Anutufara foora innaaru qimasee amooqifaranoo. Misa nári nuqu kaqi marifandinausa Yisuna bukaki akara rimariasa misa kai sia amooqifaranoo. Ooqai maa maqa maaqana sia maruqoo Anutuna sipsipa aanaaqi kuquna bukaki nuqu marisa kai sia kaasau aandau amooqifaranoo.

Oosana 4:3

Mariufanoo moo kari Kainafa narí afuqakinaa ainaina maraseeoo Anutuna tatufirana suqa aminau.