Oosana 4:17 - Anutuna Ufa

¹⁷ Miqoo oonureenoo Kainafa narí anaaqa faqa faiqi moo akoonaiqi maqaseenoo mina auqu Eenookanee qinau. Kainafa narí anaaqa faiqi maqoo kari maqusa moo auquseenoo mi maqusana auqu narí amaaku amaranaikinoo Eenooka maqusa fee qinau.

Oosana 4:17 Referans Kwoze

Idi Ufa 49:11

Ooqai maqa misaindi marinau. Maqee faiqí madika fannoo misa maqusa maridanoo. Naaruara naaruara misa mi madikanaki kai marifaranoo.

Oosana 11:4

Miqi qimaseeqa maqee innisaimbaqa fuka maqusa indufusee kisaaqa maaqa auqiqa ooru fiinaqa innaaruna amana kai ooruraanaura. Miqimmasee maasa duqu faqaasa moodaanaki maridaqa sia aiqama maqa maaqaki daraanianaura. Miqi qimaseeqa doo miqimmiqau.

Oosana 5:22

Eennookafa 300 aukuana Anutuna aqoondikiranaki maridanoo akoonaiqi maanaaqa faiqi namu moomoo maqanau.

Oosana 5:18

Mina amaaku Yaareedafa 162 aukuana maraseenoo narí amaaku Eennookana maqanau.

Oosana 4:16

Miqooqari Kainafa Anutuna oorisaaqari finoo Eedeena kadida aaqaqari suani oosana qaannai moo maqa maaqai mina auqu niku quqirausa nua maqusa fee qimarunnai finau.

Oosana 4:18

Eenookafa faiqí kammafinoo akoonaiqi Iradana maqanau. Iradafa faiqí kammafinoo akoonaiqi Meequyaeerana maqanau. Meequyaeerafa faiqí kammafinoo akoonaiqi Metusaeerana maqanau. Metusaeerafa faiqí kammafinoo akoonaiqi Rameekana maqanau.

Idi Ufa 49:12

Maasa uriqarara duqu fannoo sia amana kuqirana itita qimaqaannoo. Maasa kaqi aandaura foora kuquanauranoo.