Oosana 4:13 - Anutuna Ufa

¹³ Kainafa minara iriseenoo Anutuna qimaminoo qinau. Anee qummaara firaana qini qimiananoo sia qinee amana uqeeraanaura.

Oosana 4:13 Referans Kwoze

Uqafiqoo Ufafa 16:9

Nitakuqufaqa aanoomasee quandaki Anutuna auqu ramasee aquraraqau. Mi oosana oosana aupuraranna marasee mi oosannana akoona aqurarasee sia nári mandainaina minnisee Anutuna amooqiqau. Kaqi maraqa fimariqau.

Uqafiqoo Ufafa 16:21

Pupusamu innaarunaindari faiqisaa aqufinau firaa pupusamu moodaa moodaa fifiti kiroogaram qaara fasiqa niku nisauku taikasee moo fasiqa asaukuqara taikasee sikeera akara kamu aqufufaqa faiqí anaasee mi firaa pupusamuna qafamasee quandaki Anutuna aqurara ufa kai amiqau.

Oosana 4:12

Anee narana ummaqusainanoo maqa fannoo sia ani narana amiannoo. Minara anee maaqa siainafa maridana aiku quqirafa maaqa maaqa kaqi ninnaranoo.

Oosana 4:14

Qinee maa maqanasaa ani afusaa marunnana anee diqiqaanaqa qinee qiku quqirausa aiqamatinai nuanaura. Qinee maaqanna maaqanna dapikiqa nuananoo yafee qini qiqafainafa mifa kuqa daruannoo.