Oosana 4:10 - Anutuna Ufa

¹⁰ Anutufa mina iriseenoo qinau. Kaina anee nanee mareenee. Anee iria, aneenna akaqa fidika maqasaa teeqiananoo. Mi fidikafa mina akiiqara iannee qimasee maqakiqari qini daaraifaqa iriqa.

Oosana 4:10 Referans Kwoze

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Heeburu 11:4

Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.

Idi Ufa 72:14

Mi karaambaiqafa mi kudi fasiqausa faqa ummooquki maria fasiqausa faqa kuqa narirari maria fasiqausa nisaukukinaana mara kaqinni quqannisaannoo. Mifa misara uriqarara ainainee qimasee miqidanoo.

Yameesa 5:4

Inneeqa munnimmara nimuqusinaqa ainainira faiqiuqa feefauru sia andeeqasee nimimariafanoo. Misa minara faaqari mariafaqa innee sia fee minara iridee. Misa inniara feefaururara faaqarirafa mifa firaaqoo ooru fimarifanoo karaambaiqa Anutufa uriqararafa innaarunai mariqoo ooru fifanoo iridanoo.

Idi Ufa 9:12

Anutufa aupuraranaki mariasara sia qaunidanoo iridanoo. Mifa sia misa nammeera qiranara qaunidanoo. Mifa misa mandaikamma nimaqee mariasa aupurarana nimidanoo.

Oosana 9:5

Faiqí moo fannoo faiqí faiqi fidika ruqiqainaqa qinee mina akiiqara ummaara amianauranoo. Aandau moo fannoo faiqí faiqi kuqa narinaqa qinee mi aandauna kuqa aruanaura.

Idi Ufa 50:21

Innee mi manda oosana oosanausa auqee mariafaqa qinee Anutusa kaqi kasooiqa marunaqa innee qiniara Anutufa maasa daanna raidanoo manda oosanara sia ufa qidanoo fee qimariafanoo. Innee miqi qidaqa aaqee mariafanoo. Inni nifusaa akooqoo inni aaqaranara kooroomma nimianaura.

Rafudoo Akarafa 3:7

Anutufa kaifaa Mosena qimaminoo qinau. Qini faiqí anaasee Isaraee maqannaasa Isipa maqannasaa firaa aupurarana nimi mariafaqa nindafaidaqa. Misa qiniara maasa afeeka rakisira rakisi mariasa nisaukukinaana rafia quqaannee qimasee qini daaree mariafaqa iridaqa. Qinee misa aiqama aupurarana maree marianara iridaqa.

Oosana 18:20

Miqi qimiriseenoo Yaaweefa Abaraqaammana akooqoo kooroommasee qimaminau. Soodoomma maqusanaasa faqa Koomoora maqusanaasa faqa manda oosana fiqaranoo marifaqa akaqausa minara nikoo uqanna qaifaqa qimaqimiafaqa iriqa.

Oosana 3:13

Miqi qufanoo karaambaiqa Anutufa mi anaaseena iramirinoo qinau. Anee nanaree maa oosanna mareenanee. Mi anaaseefa iriseenoo qinau. Sakani fannoo anireenoo qini qikaru qifaqa neeqa.

Idi Ufa 9:13

Oo Yaawee qini namuqaauqa ummaara qimimariana qafamasee qiniara qimudaoo qia. Oo Yaawee qini kuqiranakinaana ititaqisaa.