Oosana 39:3 - Anutuna Ufa

³ Pootifaafa qafoofanoo karaambaiqa Yooseefaana faqa maridanoo aiqama ainaina auqoofa anoona kambiqee marinau.

Oosana 39:3 Referans Kwoze

Idi Ufa 1:3

Miqi maria fasiqa anaaseesa saqari nammari aaqa ummaqirafara foora iqa mariasa maridaqa narí qanaa mina aqama amiqimmasee iraidanoo mina amanee sia kakasidanoo. Miqira fasiqa anaasee nana ainainee auqaafanoo anoonaikidanoo.

Oosana 30:27

Rabannafa minara iriseenoo qinau. Qini afunee fannoo aniara qima qimifaqa iriseeqa anee qini faqa marunnaqoo Anutufa qini ainaina amiqi amiqifanoo firaa qoo kambiqafinoo maridanoo.

Mataioo 5:16

Innee miqi kai iqa rambi fooqaana niqoonausaki kaaqa qamannimaqaifaqa misa inni andeeqaranara qafamasee quandafinaqa inneeqa innaarunnai nikoonara susuiaqeera.

Oosana 21:22

Mikari Abimeereekafa Pikoorana narí rakira fasiqauqa uriqararana afiqeenoo Abaraqaammafa maruqoo oonu reeqa maaqi qimasee qimamiqa qiqau. Anee aiqama ainaina auqaannanaki Anutufa dadaaqidanoo.

Oosana 26:28

Miqi qufanoo Abimeereekafa faqa mina faqa anusa qiqau. Karaambaiqa ani faqa marinara maqee maasa iridaqa. Ani faqa maasa faqa qambaana kuqaa qima afeekaikirafa marianifeera iridaqa.

Uqafiqoo Ufafa 3:9

Iriaqa, Sadanna faiqi namu akaqausa mariasa náriara unna qimasee Yuda maqannaa fee qimasee qimariasa qinee misa mareeqee inni niramandunnai quqasaanaura. Aiqamausa mina qafeeqa oo Yisufa inniara amuqusifanoo miqidanoo fee qiaqeera.

1 Koorinti 16:2

Aiqama amaana faasaanasaa aiqama fasiqa anaasee akaqa munnimma aaduma raina quqaaqa. Narí ainainirana akiaqara munnimma firaana marainafa mina amana kai kaqikaana quqaani kaqikaana marainafa doo narí maraina amana kai kaqikaana quqaani, qambaana amana marainafa doo mina amana kai quqaani, innee aiqama amaanasaa amaanasaa miqikai idaqa raina quqeesaifanoo innooqafinaqa qinee inni maqusai oonuraanna kari munnimma suqirana sia mariani doo faasai suqinoo mariani.

Oosana 39:23

Karabusasaa rakisirafa Yoosefaafa rakisi maru ainainausara sia amiqimmasee iridanoo. Sia rakisi marinau. Karaambaiqa fannoo Yooseefaana faqa marunara aiqama ainaina mifa auqoofa anoona kai kambiqee marinau.

Oosana 30:30

Qinee aniafanna kari ani ainaina oodaa kai marinau. Qinee maaqoo ani maridaqa ani ainaina aiqamai auqaunanoo Anutufa dadaaqifanoo firaanaikinoo maridanoo. Qinee maqee qeeqaree qianna ainainausa maraanaura.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 21:20

Anutufa Isamaeerana rakisi amaqee marufanoo innooqanau. Innooqafufanoo mifa Paraana aadana maqa maaqaki maridanoo uaqarana akoofasa marinau.

Oosana 39:2

Karaambaiqa Yooseefaana faqa maridanoo dadaaqi marufanoo aiqama ainaina auqoofanoo anoona kai kambiqee marinau. Mifa narí Isipa maqannaa uriqararana maaqaki marinau.

Oosana 21:23

Doo maqee Anutuna afusaa qima afeekaikammasee qini faqa qini faiqi namu faqa qini saaqari naaru kambiqainausa faqa sia mandaikamma nimaqaa. Qinee ani amiqimma amaqaqiafana anee faqa miqi kai inana qima afeekaikammasee qini faqa maa maqa maaqana anee marianna maqa maaqana faqa amiqimma qimaqaa.

Oosana 39:21

Marufanoo karaambaiqa Yooseefaana faqa maridanoo dadaaqida amiqi amiqimma amaqee marufanoo karabusasaa rakisi marufa Yooseefaana qafamaseenoo asasinau.