Oosana 39:10 - Anutuna Ufa

¹⁰ Pootifaana anaaqa fannoo aiqama faasaana Yooseefaanara qini faqa faiqaannee qimarufanoo Yooseefaafa sia mina faqa faiqanau.

Oosana 39:10 Referans Kwoze

Oosana 39:8

Miqi qufanoo Yooseefaafa qaoo qimaseenoo qimaminoo qinau. Qini uriqararafa sia maaqaki quqaqai ainainausara iridanoo. Qinee marunanoo sia iridanoo. Mifa narí aiqama ainainasaa qini quqaqaifaqa rakisidaqa.

1 Peetooroo 2:11

Oo qini qiqoondiuqa, qinee Peetooroosa qeeqa qimuqusa ookiqari naamua qidaqa. Innee Yisunara irimariasa maa maqa maaqanaki maridaqa aanaamuruara foora asaqiraafaira foora mariafanoo. Miqiqa maridaqa maaqoo faiqí faiqi manda nidimari ainainafa inniara qini maraaqee qinaqa sia eedoo qimasee mina maraaqa. Mi manda ainainausa inni maraquna arimarifa maridanoo innee moo maqannaasara foora mariafanoo sia maraaqa.

2 Timooti 2:22

Nimuqusa anukarausa maqee maqee karaambaiqa aaraidaqa dadaaqiannee qidaqa anee misa faqa misa naanna raidana kumaaraa mandainainara nidiranara eerairiaqa andeeqaranara afeekaikamasee afaqaaqa, Yisunasaa irirana rusirana faqa faiqí aanaaseera nimuqusirana faqa naunduraki asooarana faqa afeekaikamasee afaqaaqa.

1 Teesaroonika 5:22

Oosana oosana mandainainara eerairiaqa.

1 Koorinti 15:33

Innee sia mi unna ufana iriaqa, Moo amaana ufa minara maaqi qidanoo, Mandoosana maree maria aqoondisa inni marirana putaamma nimaqeefaranoo.

1 Koorinti 6:18

Faiqí anaasee narummuari narummuariranara eerairiaqa. Moo fannoo oosana oosana mandainaina marainafa mi manda ainainafa sia narí afaaqa mandaikammamaqaannoo. Faiqí moo fannoo moo anaasee ummuarinoo narí afaaqa uqanna mandaikamma maqaidanoo.

Aaquqira Ufa 23:27

Dapi maraqa nua aanaaseefa faqa moo fasiqa anaaqa faqa dikaanda miqirafa meemaqoo maridanoo. Faiqí minaki kuqira ufaanakiara foora aridaqa.

Aaquqira Ufa 22:14

Aatata nimari anaaseena maraqa nirafa ufaanara foora maridanoo. Yaaweefa arana qeemarisa mi ufaannanaki aridaqa.

Aaquqira Ufa 7:5

Anee miqinanoo mi irirafa moona anaaqa faqa firanasaa aitita amaqaanoo. Mi anaaseesa fadameena akira ufasaa itita amaqaannoo.

Aaquqira Ufa 5:8

Anee mi anaaseefa mariqooqari nianai maria. Sia mina kooqi aaqa faqa fua.

Aaquqira Ufa 5:3

Moo fasiqa anaaqa ufa fannoo kaaqa adiafaa iannoo. Ookasaasa anoona adiafaa imarina faqa uriaaqaranoo mariannoo. Mina ookinaa ufa fannoo fadameena miqirafa maridanoo.

Aaquqira Ufa 2:16

Anee qini andeeqara ufa irinanoo moo fasiqa anaaqa fannoo narí fadameena akira ufannai aniara anirainaqa manda oosana auqaanee qinanoo mi amiqira irirafa ani itita amaqaannoo.

Aaquqira Ufa 1:15

Qini qimaaku sia miqira fasiqa faqa fua. Misa mariaqooqari nianai maria.

Aaquqira Ufa 9:16

Mi aanaaseefa maaqi qimasee furufarirausa qimannimidanoo. Irirana siaisa doo mai aniaqee qidanoo. Furufarirausara maaqi qidanoo.

Aaquqira Ufa 9:14

Miqira anaasee fannoo narí maaqa kooqi afaisaa ooqumarifinoo aiqama maqusa mirinni urinnaaqaramafa maridanoo.

Aaquqira Ufa 7:13

Mi kummaaraana paqurimandee asauku qaqusee qumaseenoo amooqa namaseenoo afuki kai qafanoo maridanoo qiannoo.

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

Oosana 39:9

Qinee maa maaqanaki rakisira afeeka mifa uaqeeindee kai masee uaqee idaqa. Mifa sia moo ainaina qini kukeeqa qimaqa qaifanoo maridanoo aiqama ainaina qimiqaifanoo, ani kai sia qimiqaifanoo. Naqi fee mandee fee qinee maa manda oosanna auqamasee fee Anutuna mandaikamma amaqaanauree.

Oosana 39:11

Moo faasaana Yooseefaafa naríara maaqaki ainaina auqanoo nufanoo sia moo ainainira faiqi minaki marinau.

Aaquqira Ufa 23:28

Misa ummuarira fasiqara foora maridaqa aniara rakisidaqa. Mi anaaseefa moomoo fasiqa furufara masaifaqa nariqa faiqí anaasee faqa mariana rakeeidaqa.