Oosana 37:4 - Anutuna Ufa

⁴ Mina afasausamara qafoofanoo misa nikoofa Yooseefaanara aidi marufa uriqaranoo marufaqa misa firaaqoo uqanna naundura mandaiki marufaqa mina faqa ufa qimariqau.

Oosana 37:4 Referans Kwoze

Oosana 27:41

Yakooboofa Eesauna afaaqooqa maree fifufanoo Eesaufa narí akaqara akoo qaidanoo fidiaqaammi marinau. Miqi marufanoo maaqi qimasee narí kai oonu mafi iriseenoo qinau. Kaqi kaaqoo maasa qikoofa kuqu finaqa soofaara taikaseeqa mikari qeeqa qikaqa kuqamma aruanaura.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

1 Yoohanee 2:11

Narí akaqaafasaara fidiaqaa imaria fasiqa anaaseesa asukunakiara foora maridaqa, asukunaki nidaqa firannai anirannaira randaidaqa mikimakanidaqa asukuna fannoo misa nifusaa ititanoo marifaqa miqidaqa.

Idi Ufa 69:4

Qiniara fidiaqaa imariasa qini qikiiqa asausi faqa arusee fiqaramasee maridaqa. Qini kuqa darirari mariasa fifau qini oosana siainaki namuqaakamma qimaqaidaqa. Misa qiniara moo ainaina fifau unnaqimasee ummuariaanoo qimasee mina akiiqara nimiannee qimasee sandanainai qiafaqa rufiaseeqa fifau qeeqa ainaina nimiqa.

Oosana 37:5

Moo eendaki Yooseefaafa qainammaseenoo qafanau. Minara narí afasausa mara qimannimufaqa firaaqoo uqanna fidiaqaamma amaqaqau.

Oosana 4:5

Kafaa Kainaindi qafamasee minnisanau. Kainafa mina qafoofanoo firaqoo arana qoofanoo oori runinau.

Titusa 3:3

Ooqai maasa faqa misa naanna raidaqa, furufariaafanausa maridaqa, ufa rukiee mariafanausa maridaqa, maasa kaqiruna ubeekeeaafanausa maridaqa, maasa faqa daundurakina qidudusaa arirafa qiqa qifaaqa rumbeeusa idukuqoosa maridaqa, maa maqanasaa amiqi amiqira ainaina fannoo maasa rumbeeusa maasa faqa aiqama aukuana qifai sanduriaafanausa maridaqa, moona ainaina qafaafananoo qimuqusidanoo qimukeeusa maridaqa, maasa faqa moosa nindafaafananoo fidiaqaamma nimaqee mariafanausa maridaqa, misa faqa maasa qiqafoofanoo miqikai inoo fidiaqaamma qimaqeemariqau.

Idi Ufa 38:19

Qini namuqaauqa moomoosa nimudaanai qimariasa maridaqa. Qiniara fifau fidiaqaa imariasa moomoosa maridaqa.

Oosana 49:23

Ani namuqaa nimudaanai qimasee nári duru feefannoo ani arirara afaqeefaranoo.

Oosana 37:11

Yooseefaana afasausa mara nári nikaqara nirana qeemarinau. Miqi marufanoo mina akoofa aiqama ufara kaqi kai irimarinau.

1 Yoohanee 3:10

Doo qinee maqee Anutuna faiqi namufaqa Sadannana faiqi namufaqa akooroomasee qimannimidaqa. Faiqí anaasee moo fannoo sia andeeqara qoo nimarifa sia Anutuna faiqi maridanoo, narí akaqaafasaara faqa sia uriqarara ainainee qimaseenoo minara sia amuqusimarifa mifa sia Anutuna faiqi maridanoo.

Mareekoo 3:25

Moodaa oosana moodaa maaqaki mariasa rakuakiqa doo misa faqa taikeefaranoo.