Oosana 33:4 - Anutuna Ufa

⁴ Eesaufa Yakooboona oori qafamaseenoo sandamammareenoo ani kaqaramma qumaraseenoo amooqananau. Miqanda aiqama qara qiki raqaqau.

Oosana 33:4 Referans Kwoze

Idi Ufa 34:4

Qinee Yaaweenara innaaru qunanoo mifa qini dadaaqinoo. Qini rufiaranakinaana iduku qiseenoo.

Ruka 15:20

Miqi qimaseenoo mi fasiqafa findifinoo aanai aqufufanoo narí akoofinnai finau, aanai meeaqoo ani marufanoo mina akoofa maqusasaaqari mara meeqa qafamaseenoo amuqusufanoo sandeenoo oonu mara narí amaaku aripimma qumareenoo amooqanau.

Oosana 32:28

Miqi qufanoo mi fasiqafa qinau. Maqee maaqooqari Yakooboofa taikaannoo ani auqu Isaraeerafa marinnaranoo. Anee Anutuna faqa faiqí faqa aitatafi qumaraanannannoo uriqararafa marianaqa minara ani auqu Isaraeera fee qidaqa.

Aaquqira Ufa 16:7

Ani marirafa nirafa andeeqanoo marinanoo Yaaweefa minara asasinoo ani namuqaa aqoondi kamma amaqaannoo.

Oosana 46:29

Yooseefaafa narí qoosa rarisee maru karanaki akarama fufanoo Kooseena maqa maaqai narí akoona paqurirara finau. Oonu paqurimmaseenoo Yooseefaafa narí akoona anukaki oonu mafi kaqaramma umareenoo kisaaqasaa iki raqee marinau.

Oosana 45:2

Yooseefaafa firaaqoo iki raqaida qufaqa Isipa maqannaasa madaanai maridaqa iriseeqa oonu Faraoona qimamiqau.

Oosana 43:30

Miqi qimaseenoo kai kaqi findifufanoo quqasee finau. Mina amuqusa firaaqoo narí akaqara mandaikufanoo finau. Yooseefaafa misa nifusaa iki raqaaqaa ufanoo quqasee narí faiqee maru rummanai oonuree iki raqanau.

Aaquqira Ufa 21:1

Yaaweefa maqasaa karaambaiqa irirana kaikaa nammariara foora ireeda kai minni fua mai ania qifanoo miqidanoo.

Oosana 43:34

Yooseefaafa narí qufanoo mina difaanikinaa narana mareeqaida misa piritakiaqa quqa mareenoo Beensaminnaindiki fiqaramasee moodaannai qisauku 5 kari narana quqanau. Quqasoofaqa narana faqa uainna nammari faqa neeneesoofanoo doo nifaaqa iduku fufaqa qufaina qiqa asasiqau.

Oosana 29:11

Nammari nimiseenoo Raseera nammarina ooriki amooqaidanoo asasirafa firaafa minaki marufanoo iki raqanau.

Oosana 29:13

Rabannafa narí anauqi Yakooboona ufa iriseenoo sandeenoo oonu mafi kaqaramma qumareenoo amooqaseenoo sukudaakutamasee afiqeenoo narí maaqai aninau. Miqoo oonu maridanoo Yakooboofa Rabanna aiqama ainaina kambiqoonara qimaminau.

Oosana 32:11

Qinee qeeqa qifasaana Eesauna asaukukinaana asumu mara quqaqisaanneera innaaru qidaqa. Qinee minara rufiaidaqa. Mifa anireenoo maasa faiqi anaasee faqa aiqama daru taikaandoora rufiaidaqa.