Oosana 33:2 - Anutuna Ufa

² Nimiseenoo indaaru narí ainainira anaasee qara faqa nári faiqi namu faqa niiqoofaqa fiqau. Misa ninaaqianna Reeaa nammarifa narí faiqi namu faqa finau. Inaaqianna uqanna Raseera nammarifa narí faiqi Yooseefaana faqa finau.

Oosana 33:2 Referans Kwoze

Oosana 37:3

Yakooboofa aiqama narí faiqi namuara aidimaruna uraaqaramaseenoo Yooseefaanara aidi marinau. Mifa asooqa namuki maqoonara kaaqa minara aidi marinau. Mifa kisaaqa qamunna kisaaqa asauku faqaana auqu aminau.

Oosana 29:30

Amufanoo Yakooboofa Raseera nammarina faqa sakasee faiqanau. Yakooboofa Raseera nammarinara aidi marufanoo Reeaa nammarinara sia amiqimma aidi marinau. Miqidanoo Rabannana ainainiranaki kafaa qisauku dinni taikasee dinni ani qaara marasee 7 aukuanaki marinau.

Oosana 33:1

Yakooboofa qafoofanoo Eesaufa 400 fasiqa faqa aninau. Yakooboofa mina qafamaseenoo narí faiqi namu rainasee Reeaa nammarina faqa Raseera nammarina faqa ainainira anaasee qaaraqanda faqa niminau.

Oosana 33:3

Yakooboofa misa noorinni indaaru finau. Oonu reenoo dinni taikasee dinni oonu qaara marasee kari maqasaa mapaminoo fifiufanoo narí afasaafa maruqoo oonuranau.

Oosana 29:16

Rabanna araamuna qara qaaraqanda mariqau, indaaruqaafa Reeaa nammarifa marinau inaaqianaafa Raseera nammarifa marinau.