Oosana 32:7 - Anutuna Ufa

⁷ Yakooboofa mi ufana irufanoo aaququqoofanoo moomoo irirana maranau. Miqufanoo narí sipsipauqa faqa mimmiuqa faqa burimakauqa faqa kammeerauqa faqa qaaraki raina quqanau.

Oosana 32:7 Referans Kwoze

Oosana 35:3

Maasa maaqooqari quqasee Beeteera maqa maaqai oonureeqa qini ummaara aukuana dadaaqi mari Anutuna qinee aiqama atinai nunanoo qini faqa mari Anutuna tatufirana suqara qainda auquanauranoo.

2 Timooti 3:12

Aiqama maqasaa qaraasa asauku mundiranasaa irirana rusiseeqa miqooqari Anutuna andeeqara oosana maraifaqa narirana aupurarana mareefaranoo.

2 Koorinti 1:4

Innisaimbaqa qeeqa daundura ummaaraki marunnana Anutufa mi ummaaranaki dadaaidanoo. Innisaimbaqa oosana oosana ummaaraki mariasa Anutufa innisaimbaqara misa dadaaqiaqee qimaseenoo innisaimbaqa naaree dadaaqinau. Misa dadaaqidaqa Anutufa innisaimbaqa dadaaqirana qimuna mina kai maasa qumaree quandaki minannai dadaaqidaqa.

Yoohanee 16:33

Innee qinisaa atooaqa marifandinnanannai asooaranaki marifaranoo. Maa maqanasaaqaraa irirana mareemariasa aupurarana oosana oosana nimianinnanara maa ufana qimannimidaqa. Sia rufiaqa rufiaqiaqa doo qinee maa maqanasaaqarasa doo rafaaqafuseeqa, minara kaqi paasoosiaqa.

Mataioo 10:16

Iriaqa, qinee inni niqiqaanaqa innee sipsipara foora kaasau faini qambaana inni niqiqaidaqa. Faiqí oodaa mariafanoo faiqí moomoosa inni narusee naaqaammidammia. Minara innee sakani maaso̱o aanna reeqa reendeenamasee nuaqa. Nakipurunara foora kaqi muquriqa marida, reendeenammida mariaqa.

Mataioo 8:26

Yisufa misa ufa iriseenoo qimanniminau. Oo kaaqa innee fifau rufiee mariasa. Sia qinisaa irirana rusimariasa mariafanoo. Miqi qimaseenoo findifufanoo ufai faqa nammariara faqa qaoo qufanoo nammari faqa ufai faqa kasoomafinoo dai qimafinau.

Aaquqira Ufa 2:11

Ani amiqimmasee marirafa faqa amiqira irirafa faqa anisaa itita amaqaannoo.

Idi Ufa 142:4

Qinee qeeqa inaaqiannai dadaaqiranara qafaunanoo sia maridanoo. Sia moo fannoo qini ititaqimaqaaninafa maridanoo. Sia moo fannoo qiniara qimudaoo qidanoo.

Idi Ufa 107:6

Misa nariqa ummaaraki maridaqa Yaaweena aaraqau. Aaroofanoo mifa iriseenoo misa ummaarakinaana mareeqeenoo amiqira qoo uqannisanau.

Idi Ufa 61:2

Qinee moo maqa maaqai nianai oonu marunanoo qini qimuqusa mandaikimarifaqa ani aaraidaqa. Anee qini mareeqee afeeka kukeeqara maqusaki quqaqisaina asumu maria.

Idi Ufa 31:13

Qini namuqaauqa maqandanai narí qimami narí qimami masaidaqa uteeti qimariafaqa iridaqa. Rufiarafa firaafa qini fiqu fiqu inoo maridanoo. Misa moodaanaki suqufiqa qini marirana taika qimaqaaneera tipundaaridaqa.

Rafudoo Akarafa 14:10

Oonuroofaqa Isaraee maqannaasa Faraoona faqa mina rakira fasiqauqa faqa niqafamaseeqa tautumaseeqa rufiaidaqa Yaaweefa dadaaqianifeera faaqariqau.

Oosana 32:11

Qinee qeeqa qifasaana Eesauna asaukukinaana asumu mara quqaqisaanneera innaaru qidaqa. Qinee minara rufiaidaqa. Mifa anireenoo maasa faiqi anaasee faqa aiqama daru taikaandoora rufiaidaqa.

Idi Ufa 112:5

Eedoo qimasee ufaasu munnimma nimimarifa faqa narí bisinisa kuqaa qira irirana mau kai auqee mari fasiqafa faqa asasiranaki maridanoo.

Oosana 32:3

Yakooboofa narí faiqi namu qaarammoo ufa maree narí nifasaafa Eesau funnai fuaqeera niiqoofaqa Eedoomma maqa maaqai fiqau.

Oosana 32:8

Maaqi qimasee qimirinau. Eesaufa anireenoo moo usiranaki narinaqa moo usiranakiqari amana sandeefaranoo.

Oosana 33:1

Yakooboofa qafoofanoo Eesaufa 400 fasiqa faqa aninau. Yakooboofa mina qafamaseenoo narí faiqi namu rainasee Reeaa nammarina faqa Raseera nammarina faqa ainainira anaasee qaaraqanda faqa niminau.