Oosana 32:13 - Anutuna Ufa

¹³ Yakooboofa miqi qimaseenoo innaaru qimaseenoo mi eendanaki miqoo faiqeenoo iaqoofanoo narí aandau Eesauna amiraree qimasee raina quqanau.

Oosana 32:13 Referans Kwoze

Oosana 43:11

Miqi qufanoo misa nikoofa qimanniminau. Doo amana inneeqa miqiqa miqiaqa. Innee maa maqa maaqana kinaana amiqira ainaina inneeqa uqaki rumammareeqa kaqi nimi maria ainainnara foora muqu mi maqannaasa uriqararana amiaqa. Saqari anoona qoodaa faqa ookasaasa anoona qoodaa faqa adiafaa imari saqari qaqamana anoona faqa oofauna fooqaa ira ainaina anoona faqa kasa fooqaana anoona faqa maree ooqu fuaqa.

Aaquqira Ufa 18:16

Anee uriqarara fasiqa qafaanee qimasee moo ainaina mina amira ainaina mara maree finanoo amanaika miannoo.

Aaquqira Ufa 21:14

Faiqí moo fannoo ani faqa aanoo qimarinana anee kukeeqasee ainaina amisainanoo mina aanoo qirafa taikaannoo.

Aaquqira Ufa 19:6

Aiqamausa uriqarara fasiqa aqoondikiranaki keeqeefaranoo. Ainaina nimi mari fasiqanara aiqamaus minara unna qimasee qini qiqoondi fee qidaqa amooqidaqa.

Aaquqira Ufa 17:8

Umee raqeera nimimaria feefaurufa fadueera foora dadaaqifaqa auqararee qiana kaqi auqeefaranoo fee qidaqa.

Oosana 43:26

Yooseefaafa maaqai aniroofaqa misa nári maaqaindari maree qumu ainainausa mara maree maaqaki mifa marunnai ooruree mina oorinni noorindari maqasaa aqufiqau.

Oosana 42:6

Yooseefaafa Isipa maqa maaqakinaasa uriqararafa maridanoo aiqama maqa maaqakinaasa feefauriaqee qimasee quqaqoofaqa feefauri mariqau. Yooseefaana afasausa mara ooquree Yooseena oorinni noorindari maqasaa kummaraqau.

Oosana 33:10

Miqi qufanoo Yakooboofa qinau. Qinee ani aqoondikiqa amunna ainainausa kaqi maraa. Anee qini kaaqa aqoondi kiannanara qinee ani oori Anutuna ooriara foora qafaidaqa.

Oosana 18:2

Ooqufaaqee marufaqa faiqí qaaramoo namu anufanoo Abaraqaammafa niqafamaseenoo nári oosana mareenoo findimeeqeenoo misa anuqoo sandee oonureenoo oorindari maqasaa kummarama finoo qimanniminoo qinau.

Oosana 32:14

Mifa mimmi anaasee 200 faqa mimmi akoona 20 faqa sipsipa anaasee 200 faqa sipsipa akoona 20 faqa raina aaduma quqanau.

Oosana 33:8

Miqima soofanoo Eesaufa Yakooboona maaqi qimasee qimaminau. Faasai qafaunna aandausa oosana naqaa fee inoo maridano fee qufanoo Yakooboofa qinau. Ani aqoondikiraree qimasee kaqi ani amidaqa.

Oosana 13:16

Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.

Oosana 15:5

Miqi qimaseenoo Karaambaiqa Abarammana afiqee madaanai muquseenoo qinau. Innaarunai qafamaseenana fasau amanee anee asaana rinnaree. Aniki ani aruakinausa miqimmasee kambiqeefara.

Oosana 22:17

Qinee kuqaa qima afeekaikammasee anisaa ani aruakinausa ani aiku asauku innaarunai fasaura foora moomoo marifaranoo nukudara foora ani amianauranoo. Ani aiku asauku namuqaa rafaaqa fusee misa ainaina maree marifaranoo.