Oosana 30:1 - Anutuna Ufa

¹ Raseera nammarifa narí anasaana faiqi namu nindafeenoo Yakooboona aqinoo qinau. Anee faiqi sia qini mara qimianaqa qinee kaqi marianabaqa kuquanauranoo.

Oosana 30:1 Referans Kwoze

Oosana 29:31

Yakooboona irirafa Raseera nammarinasaa kai mundinoo marunara Reeaa nammarinara akoo akaa mimarinau. Miqi marunara Karaambaiqa qafeenoo dadaaqufanoo Reeaa nammarifa amuaqu qaikinau.

Oosana 37:11

Yooseefaana afasausa mara nári nikaqara nirana qeemarinau. Miqi marufanoo mina akoofa aiqama ufara kaqi kai irimarinau.

2 Koorinti 7:10

Nifaaqa ummaara rarafa Anutufa minannai inni maramareenoo faiqí nimuqusakinaana mara quandeeqeenoo innaaruna asumu mariranaki quqeemarifa mi nifaaqa ummaara rarafa amiqirafa maridanoo kai fifau maqasaa nifaaqa ummaara rarafa mifa kuqimariafa maridanoo.

Yameesa 4:5

Anutuna tamummaqara fasiqa akara moo maaqi qimasee anoonufa qidanoo, Anutufa maasaki quqoo maraqunafa maasara naríndi kai fee qimaseenoo rairaiqidanoo fee qimaseenoo akara rinau.

Yameesa 3:14

Anee aneenna amuqusa ookiqari sukaqarafa faqa rairaiqirafa faqa ainainara kaaqa rirafa faqa urinana anee unna qimariananoo sia aneenna iriranara uriqarar fee qia.

1 Koorinti 3:3

Innee maa maqa maaqanasaaqaraasa naanna ree mariasa aaqaida miqimarifanoo, innee nariara nariara rairai qidaqa ufa rainee marianannai maa maqa maaqanasaaqaraasa naanna ree mariana aaqarafa kooroo idanoo.

Aaquqira Ufa 14:30

Asooara irirafa mina afaaqa amiqirana amidanoo. Rairai qira oosana fannoo manda auriranara foora maridanoo.

Titusa 3:3

Ooqai maasa faqa misa naanna raidaqa, furufariaafanausa maridaqa, ufa rukiee mariafanausa maridaqa, maasa kaqiruna ubeekeeaafanausa maridaqa, maasa faqa daundurakina qidudusaa arirafa qiqa qifaaqa rumbeeusa idukuqoosa maridaqa, maa maqanasaa amiqi amiqira ainaina fannoo maasa rumbeeusa maasa faqa aiqama aukuana qifai sanduriaafanausa maridaqa, moona ainaina qafaafananoo qimuqusidanoo qimukeeusa maridaqa, maasa faqa moosa nindafaafananoo fidiaqaamma nimaqee mariafanausa maridaqa, misa faqa maasa qiqafoofanoo miqikai inoo fidiaqaamma qimaqeemariqau.

Yoohanee 4:8

Yisuna faiqi namu narana feefauriraree qimasee maqusai oorufufanoo Yisufa naríara mi nammarina afainni ooqufaaqee marida qafoofanoo mi anaaseefa nammari sakararee qimasee quminau. Qumuroofanoo Yisufa nammariara qufanoo mi samaria maqannaa anaaseefa tautinoo qinau.

Idi Ufa 106:16

Misa Isaraee maqannaasa miqoo aadana maqa maaqaki maridaqa Mooseenara rairai qimariqau. Misa Aaroonara Yaaweena naaquqara ainainira fasiqara faqa rairai qimariqau.

Aaquqira Ufa 30:16

Moo kuqirausa maqa maaqara qidanoo, Moo anaasee narí afaaqi faqa moomoo kari faiqeenoo sia faiqi maraidanoo. Moo aadana maqa maaqa fannoo aakuara aididanoo. Moo ida fannoo fifau faafau qaidanoo.