Oosana 3:5 - Anutuna Ufa

⁵ Anutufa minara iridanoo qaoo qinoo. Innee mi saqari aqamana namasee Anutufara foora maridaqa manda ainainara faqa amiqira ainainara faqa irifoora.

Oosana 3:5 Referans Kwoze

2 Teesaroonika 2:4

Mi manda fasiqafa aiqama maaqanna maaqanna nariqa Anutunee qimaria ainainna faqa aiqama nariqa Anutunara innaaru qimamaqee mariana faqa kuqaa qimariana faqa unna qimariana faqa aiqama namuqaakama nimaqeenoo qaoo qiannoo.

Oosana 2:17

Moodaa saqariara kai qinee qaoo qidaqa. Manda ainainara irirana faqa amiqira ainainara irirana faqa nimi mari saqarina kai sia naa. Anee namaseenana mikari kai kuqinnaranoo.

2 Koorinti 11:3

Ooqai sakani fannoo narí kaaqa irira unnufannai Eeuana akaru qundee kai inni irirafa faqa iandoora. Asauku mundiranasaa kai inni irirafa amiqimandee andeeqasee mundinoo mari inanoo kaqi runna fifoora minara qinee inniara rufiaidaqa.

Oosana 3:22

Miqimmaseenoo Karaambaiqa Anutufa qinau. Maqee faiqí faiqi maaqanda maasara foora maridaqa aaqara oosanara faqa andeeqara oosanara faqa iridaqa. Maasa sia miqandara qianaqa naaru marirana nimimari saqari aqamana diqisee neefaranoo. Diqisee namaseeqa naaruara marifoora.

Oosana 3:10

Anee kadidaki nuanaqa iriseeqa qinee kaqisamu maridaqa rufiaseeqa saqariuqaki kukeeqaidaqa.

Oosana 3:7

Miqanda namasoofanoo mikari miqanda nifusaa irirafa kambiqoofaqa nári nifaaqa qafamasee kaqisamu maridee qimaseeqa nisauruseeqa saqari amanee didiqi amanee fooqaana qumaree akunuseeqa nári nifaaqasaa ititaqau.

Uqafiqoo Ufafa 13:14

Mifa indaaruqaa kaasau aandau oorisaa faiqí sia auqaaqaa ira ainaina auqusoofanoo minannai maqasaaqaraasa aiqama nikaruqinau. Miqidanoo mifa aiqama maqasaaqaraasa qimanniminoo qinau, Innee afaaqa ateekasoofanoo kuqiraramandee findifuna amana auquaqa.

Uqafiqoo Ufafa 13:4

Qaareena fannoo firaa uriqarara afeekana kaasau aandau amunara minara aaqee maria fasiqa anaaseesa qaareenara innaaru qidaqa amooqi mariqau. Misa kaasau aandau oorinni faqa innaaru qimasee amooqiqa qiqau. Yafee maa kaasau aandauna amana maridanee. Sia uqanna. Yafee mina ariraramasee aruannoo fee, sia moo fannoo amana arifara.

Rafudoo Akarafa 20:7

Innee sia qini duqunnai manda oosana auqaaqa. Qinee Yaaweesa inni Anutusa qini duqa fifau faafau inausa aupurarana nimianaura.

Rafudoo Akarafa 5:2

Faraoofa miqanda ufa iriseenoo qinau. Yaaweefa yafee. Nanaree mina ufara eedoo qimasee Isaraee maqannaasa niiqaana fifaree. Sia qinee Yaaweenara iridaqa. Minara qinee sia uqanna Isaraee maqannaasa niiqaanaura.

Idi Ufa 12:4

Misa maaqi qidaqa maasa qeeqa ufannai maasa didimari ainaina maraidaqee qidaqa. Maasa didimari ufana kaqi qianaura, sia moo fannoo maasa doo ititaannoo fee qidaqa.

Oosana 2:9

Anutufa oosana oosana amiqira saqariara qufanoo minaki kambiqafufaqa amiqira aqama iraqau. Kadiqa qambaanai saqari qaaraqanda marinau. Moo saqari fannoo marirana nimi maru saqarifa marinau. Kafaa moo saqari fannoo mandainainara faqa amiqira ainainara faqa irimaria iriranna nimimarufa marinau.