Oosana 3:24 - Anutuna Ufa

²⁴ Anutufa Eedeenna kadidakiqari Adamasa Eewasa niqiqoofaqa fufanoo suani oosana qaannai kadida atinni naaru marira saqari fainnai fimaru aannanasaa angiroouqa quqasoofaqa ida auru arira paipana uaqeeidaqa faiqí minni fifoora ruki tataaka imariqau.

Oosana 3:24 Referans Kwoze

Idi Ufa 104:4

Anutu anee ufai faiqiara foora niqiqaanaqa ani ufa mara maree fidanoo. Aakuasaa faqa ani ainainira faiqiara foora maridanoo.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Idi Ufa 99:1

Yaaweefa karaambaiqa marifaqa aiqama fasiqa anaasee rufiaafanoo naindiri raidanoo. Mifa angiroouqa oorinnaaqaree meeraqoo narí ufa irira qaarisaa ooqufaaqee marifanoo maqa kasidanoo.

Idi Ufa 80:1

Oo Yaawee, anee Isaraee maqannaa sipsipasaa rakisirafara foora mariannanara maasa ufa iria. Anee maasa sipsipara foora rakisi marianafa mariannanara maasa ufa iria. Anee angiroouqa niqoosa faqaasa mariaqoo seerubimma mariaqoo miqoo anee Yaaweefa ooqu marifi marianafa mariannanara anee maasa ufa iria.

Rafudoo Akarafa 25:2

Anee Isaraee maqannaasa qimanniminaqa misa oosana oosana ainaina qini qimiani qinnana qimiaqa. Faiqí anaasee qini qimirara nidinaqa minisainna ainaina anee mara quqaa.

Oosana 3:23

Karaambaiqa Anutufa minara iriseenoo Eedeena kadidakinaana doo miqanda nifaqaseenoo qinau. Inneeqara inni auquafanna maqanasaa maridaqa maqa auqamasaidaqa narana paquriaqa.

Oosana 4:1

Adamafa narí anaaqa Eewana faqa aana numasoofanoo amuaqu qaikinoo faiqi maqaseenoo mina auqu Kainafee qinau. Maqaseenoo Eewafa qinau, Anutufa dadaaqifaqa qinee faiqi akoonaiqi maqeeqa.

Oosana 4:14

Qinee maa maqanasaa ani afusaa marunnana anee diqiqaanaqa qinee qiku quqirausa aiqamatinai nuanaura. Qinee maaqanna maaqanna dapikiqa nuananoo yafee qini qiqafainafa mifa kuqa daruannoo.