Oosana 3:22 - Anutuna Ufa

²² Miqimmaseenoo Karaambaiqa Anutufa qinau. Maqee faiqí faiqi maaqanda maasara foora maridaqa aaqara oosanara faqa andeeqara oosanara faqa iridaqa. Maasa sia miqandara qianaqa naaru marirana nimimari saqari aqamana diqisee neefaranoo. Diqisee namaseeqa naaruara marifoora.

Oosana 3:22 Referans Kwoze

Uqafiqoo Ufafa 2:7

Anutuna maraquna fannoo amaana maqaki keeqee mariasa aiqamai qimannimidanoo. Naaqoo faqaasa mina ufa kai iriaqa. Mandainainaki afeekaikamasee rakiranara foora maraqa fifi inaqa uriqaree mariasa qinee misa qimannimianaqa misa Anutuna innaaruna ququsaki keeqafi innaarunai asumu marirana nimira saqari qaqamma neefaranoo.

Uqafiqoo Ufafa 22:14

Nári qamunanda nammari uqusee anukara qamunna faqaasa misa kai amana fuka Yeerusaree maqusa kooqiki keeqafiqa kaqi naaru marira saqari qaqamma amana diqisee neefaranoo. Miqimariasa asasifaranoo.

Uqafiqoo Ufafa 22:2

Mi nammarina dinni dinni afai saqari kambiqanoo maridanoo. Mi saqarisa aiqama quqoonasaa qaqamma iraidanoo kai maridanoo. Mina amanee aiqama maqannaasa aurirana teeroo taikannisee marifa mi saqari amaneefa maridanoo.

Aaquqira Ufa 3:18

Amiqira irirana faqaasa asasidaqa, amiqira irirafa misa marirana nimiannoo.

Oosana 2:9

Anutufa oosana oosana amiqira saqariara qufanoo minaki kambiqafufaqa amiqira aqama iraqau. Kadiqa qambaanai saqari qaaraqanda marinau. Moo saqari fannoo marirana nimi maru saqarifa marinau. Kafaa moo saqari fannoo mandainainara faqa amiqira ainainara faqa irimaria iriranna nimimarufa marinau.

Oosana 1:26

Miqimmaseenoo Anutufa kaifaa qinau. Maasa faiqí naanna faqaasa auquanaura, maasa qimana kai maasa qeeqa fooqaana auquanaura. Misa ooruku nammariki noodaanna ainaina faqa sandaaqai qaqamaree nimaria ufinisa faqa maaqeena aandauqa faqa kaasau aandauqa firaanauqa saa faqa kaqikaanauqa saa faqa rakisianifeera auquanaura.

Oosana 3:5

Anutufa minara iridanoo qaoo qinoo. Innee mi saqari aqamana namasee Anutufara foora maridaqa manda ainainara faqa amiqira ainainara faqa irifoora.

Idi Ufa 22:26

Sarau iranaki mariasa narana namasaifanoo nimuaqu imarina marifaranoo. Yaaweefinnai anirainausa mina amooqifaranoo. Miqi mariasa naaru naaru aiqama ainaina amanaikirausa mariaqa.

Oosana 3:21

Karaambaiqa Anutufa aandau apata qumareenoo minannai qamunnara foora auqeeqeennoo Adamana faqa narí anaaqa Eewana faqa niminau.

Oosana 3:23

Karaambaiqa Anutufa minara iriseenoo Eedeena kadidakinaana doo miqanda nifaqaseenoo qinau. Inneeqara inni auquafanna maqanasaa maridaqa maqa auqamasaidaqa narana paquriaqa.