Oosana 3:21 - Anutuna Ufa

²¹ Karaambaiqa Anutufa aandau apata qumareenoo minannai qamunnara foora auqeeqeennoo Adamana faqa narí anaaqa Eewana faqa niminau.

Oosana 3:21 Referans Kwoze

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Oosana 3:7

Miqanda namasoofanoo mikari miqanda nifusaa irirafa kambiqoofaqa nári nifaaqa qafamasee kaqisamu maridee qimaseeqa nisauruseeqa saqari amanee didiqi amanee fooqaana qumaree akunuseeqa nári nifaaqasaa ititaqau.

Roomma 3:22

Faiqí anaasee narí Anutuna asauku mundirana saqarikiranannai Anutufa mareeqee narí afusaa andeeqaranaki quqaidanoo. Aiqamausa asauku mundirana Yisuna ufa irisee minasaa rusimariasa miqi qimariasa aiqama maqannaasa Anutufa mareeqee narí afusaa andeeqaranaki quqaidanoo sia raina rainiannoo.

Oosana 3:20

Faiqí fannoo narí aanaaqara maqasaa qaraa fasiqa anaasee ninoo fee qimaseenoo auqu Eewanee qinau. (Mi auquna oosana aiqama faiqí faiqi ninoo fee qidanoo.)

Oosana 3:22

Miqimmaseenoo Karaambaiqa Anutufa qinau. Maqee faiqí faiqi maaqanda maasara foora maridaqa aaqara oosanara faqa andeeqara oosanara faqa iridaqa. Maasa sia miqandara qianaqa naaru marirana nimimari saqari aqamana diqisee neefaranoo. Diqisee namaseeqa naaruara marifoora.

1 Koorinti 12:23

Maasa qeeqa qifaaqa atiuqa ureeqara atiuqee qimariana maasa misasaa firaaqoo amiqimmandee misasaa rakisidaqa. Nifu qafaafaqa nisaurimaria atiuqa maasa amiqimmandee rakisidaqa qamunnannai ititaidaqa.