Oosana 3:19 - Anutuna Ufa

¹⁹ Anee tooqaamu arimarinana kadaapirumasaidana maa maqanasaa narana kambiqasaidana nana fifiinana kuqinana maqaki ani auquafannanaki finnaranoo. Ani maqannai auquqaafanafa marianafa mariananoo. Anee maqa mariananoo kaifaa maqaikamma finnaranoo.

Oosana 3:19 Referans Kwoze

Idi Ufa 104:29

Oo Yaawee anee misa ameesa uqunnimaqasaanaqa misa rufiaidaqa. Anee misa naidoo taikannimaqaanaqa misa kuqiqa kafaa maqaikidaqa.

Oosana 2:7

Mikari karaambaiqa Anutufa maqa qumareenoo faiqí minannoo auqinau. Auquseenoo marirana nimi maru aidoona aikaamarai fuaqasoofanoo mi fasiqafa kasirana maranau.

Idi Ufa 90:3

Anee Yaaweefa faiqí mareeqee kafaa maqaiki marianafa mariananoo. Anee qinana faiqí faiqi kafaa quandaki maqaikammiaqee qimarianafa mariananoo.

Eefeesusa 4:28

Ainaina ummuari mari fasiqafa ummuarirana taikaani, taikasee quandaki andeeqasee narí ainainamasee narí narana namasee kudi fasiqauqa faqa naida niminaqa naaqa.

Oosana 18:27

Abaraqaammafa mina iriseenoo kafaa qimaminau. Oo karaambaiqa qinee qifaaqa quqasee ani qimamunna ufana mi numoona minni qisaa. Qinee faiqí faiqi maridaqa aaqamammasee ani faqa moomoo kari ufa qidaqa.

Idi Ufa 22:15

Qini qimaaqaara aadana usidanoo. Qini qimaakiri qimaaqaarai atooqanoo maridanoo. Anee qini kookoommaki rumaqimaqa qaanaqa kuqirara midaqa.

Oosana 23:4

Qinee moo maqannaasa inni qambaana ani maridaqa. Amanee qini maqa moo qimifaqa feefauru nimiseeqa qeeqa qinaaqa minaki akundaanauree.

2 Teesaroonika 3:10

Maasa inni faqa maridaqa maa ufana qimannimiafannana kafaa kafaa qimannimidaqa, faiqí moo fannoo sia ainainifa narana faqa sia naannoo.

Idi Ufa 103:14

Yaaweefa maasa auqunara iridanoo, maasa maqannai taikaaninna ainairannai auqunara iridanoo.

1 Teesaroonika 2:9

Oo qini qikaqaafasaa maasa inni maqusai inni faqa mariafanaqa innee maasa oosana qafamasee irimariafanoo. Maasa narana maree maria saikana kadaapiriqa tooqaamu maraafana qafaqau. Maasa Anutufinnaindaraa amiqira fasaasa ufa qimannimiqa fifi inaqa innisaa oonu munduanaqa innee maasa naranara mamaraida miqidammiafoo qifoora faasaana faqa eendaki faqa qeeqa kai narana maree maria ainainirana kadaapiri mariafanaqa qafaqau.

Aaquqira Ufa 21:16

Amiqira irirana minnisee auianoo nifa kuqirafa mina afeesidanoo.

Idi Ufa 22:29

Aiqama ramoo ramaa imariasa mina oorinni niqoori saunu areefaranoo. Aiqama faiqí faiqi mina oorinni niqoori saunu areefaranoo.

1 Koorinti 15:47

Indaaruqaa Adamafa maqasaaqaraa kookoomannai auqirafa marinau. Inaaqianna Adamafa Yisufa innaarunaindari quminau.

Heeburu 9:27

Aiqamausa moodaa kari kuquannana amana kai Yisufa moodaa kari kuqinau, aiqamausa moodaa kari kai kuqufiqa miqooqari Anutuna faqa ufa qiranaki fifaranoo.

Oosana 3:18

Nimmuru faqa amuka faqaa ainaina faqa maqakiqari kambiqaannoo. Anee kaasau andanda neennaranoo.

Idi Ufa 104:23

Faiqaafaqa faiqí anaasee kafaa findififaqa nári ainainirannai oonuree ainainiqa fima riafanoo eendidanoo.

Idi Ufa 127:2

Fifau kananaana eendai uqanna findifi ainaina kadaapirina fifiina eendi mariananoo. Yaaweefa narí aidi marisa faiqaqee iafanoo narana nimidanoo.

Oosana 5:5

Adamana aukuana aiqama 930 maraseenoo kuqinau.