Oosana 28:7 - Anutuna Ufa

⁷ Yakooboofa narí anaukoo ufa irisee Meesoopootamia maqa maaqai funara faqa Eesaufa irinau.

Oosana 28:7 Referans Kwoze

Kooroosee 3:20

Faiqiuqa inniqa ninausa nikausa ufa qinnana aiqama kari sia rukiaaqa eedoo kai qiaqa. Karaambaiqa faiqi namu inneeqa ninausa nikausa ufara eedoo qidaqa andeeqasee karaambaiqa aatata fidaqa miqi mariafanoo.

Eefeesusa 6:3

Fifanoo Anutufa inniara kisaaqasaa inneeqa maqa maaqaki maridaqa amiqiranaki mariaqee qimasee maasara qimafeekaikinau. Maasa mi ufanara uriqarara ufee qidaqa. Doo innee faiqiuaindi mi mau fuaqa.

Eefeesusa 6:1

Faiqiuqaindi inniara qidaqa, inneeqa ninausa nikausa ufara eedoo kai qiaqa. Innee Yisuna ufara suqimariasaki marianara andeeqarafa mifa maridanoo.

Aaquqira Ufa 30:17

Faiqí moo fannoo narí akoonara uteeti qimaseenoo narí anoona asooqa ufa rukiainafa duee dueena fannoo mina afu qimbaannoo. Mina amaqi meemoonauqa rapeeifaranoo.

Aaquqira Ufa 1:8

Qinee qimaaku anoofakoona ufa iria.

Rafudoo Akarafa 20:12

Inneeqa ninausa nikausara qeerairidaqa misa ufa qaindusuaqa. Innee miqiqa qinee nimianna maqanasaa kisaaqasaa marifaranoo.

Oosana 27:43

Qini faiqi qinee qimamianandee ia. Anee quqasee sandeenana Qaraana maqusai qini qisookifa ani anaufa Rabannafa marinnai fua.

Oosana 25:20

Isakeefa qaara fasiqa niku nisauku taikasee 40 aukuana maraseenoo Beetueerana araamuna Reebeeka nammarina maranau. Rabannana asookina maranau. Beetueerafa Arameeannaindaraafa Meesoopootamia maqa maaqaki ani marinau.

Oosana 28:6

Isakeefa Yakooboona afaaqooqa qimamaqaseenoo Meesoopootamia maqa maaqai anaasee maraanifeera aiqoonara Eesaufa irinau. Isakeefa afaaqooqa Yakooboona amiseenoo Kannaana maqanna anaasee sia maraannee qunara faqa irinau.

Oosana 28:8

Isakeefa Kannaana maqannaa aanaaseera akooqee marunara Eesaufa irinau.