Oosana 28:4 - Anutuna Ufa

⁴ Anutufa Abaraqaammana amiqi amiqimma amaqoondee inoo ani faqa amiqi amiqimma aisainana anee aneenna marianna maqa maaqana Anutufa Abaraqaamana amiqoonakinaa qumiasana maraa.

Oosana 28:4 Referans Kwoze

Karatia 3:14

Asauku mundirafa saqarisaa dirifi kuqinau. Anutufa ooqai Abarahaamanasaaqaraa amiqi amiqirana aanaamuru mariasa nimianifee qimasoofanoo asauku mundirafa saqarisaa dirifi kuqinau. Asauku mundirana Yisunannai aanaamuru mariasa Anutufa Abarahaamanasaa qima afeekaikira amiqi amiqirana misa faqa raina mareefaranoo. Maasa faqa qeeqa Yisuna saqarikiranannai Anutufa narí maraquna nimiraree quna faqa maraanaura.

Oosana 12:7

Abarammafa mi maqusanai oonu marufanoo Karaambaiqa akooqoo mina afusaa kooroomafinoo qimaminau. Qinee maa maqa maaqanara ani qimamunnana ani aiku asauku nimianaura. Miqi qimasoofanoo Abarammafa miqoo mina afusaa kooroou Karaambaiqana tatufirana suqa amira qainda auqusee tatufirana suqa aminau.

Eefeesusa 1:3

Maasa dufi dufi qirana maasa qikoona Anutuna faqa maasa karaambaiqa Yisuna faqa nimiaqa. Maasa asauku mundiranaki keeqafufanoo mina akoofa Anutufa amiqi amiqirana maasa Yisuna namufaqa qiminau. Mifa innaarunaindaraa amiqira dadaaqirana qimaqaifanoo miqoo innaarunai maridanoo, minara maasa dufi dufi qimamaqaidaqa.

Idi Ufa 39:12

Oo Yaawee qini innaaru qirana iria. Qini dadaaqianneera aaraunnana aaqoo rammatinimmasee irisee qini dadaaqia. Qinee ani dadaaqiranara qiki raqaidaqa nammeera qianana dadaaqia. Qinee qusasaa maa maqanasaa ani faqa mariqa, qeeqa qikeeku qikaaku naanna reeqa qusasaa kai maridaqa.

Karatia 3:8

Anutufa ooqai indaaru aanaamuru maqannaara nári irirana Anutunasaa rusinausa Anutuna innaarunai firana amana keeqeefandiafoo qimasee akara rumaqoofa maaqi qinau. Anutufa ani Abarahaamanasaaqari aruruki akinanoo aiqama maa maqa maaqana afaaqasasa mariasa amiqi amiqimma nimaqaannoo fee qimaqoofa maridanoo.

Idi Ufa 72:17

Mi karaambaiqana auquara naaru naaru sia aunuaqa. Mina uriqararafa aiqama kari suani afuara foora uridaa kai mariani. Aiqama maqannaasa mi karambaiqana amiqa amiqimma amaqoonandee inana maasa faqa amiqi amiqimma qimaqaannee qimasaidaqa qifaranoo.

Oosana 15:8

Miqi qufanoo Abarammafa iramirinoo qinau. Oo uriqarara Karaambaiqa qinee naqi fee masee qinindi kammiannoo fee qimasee irianauree.

Oosana 27:33

Isakeefa minara iriseenoo boo qimasee tautu maseenoo aindiri aindiri imarufanoo qinau. Yafee moo fannoo aandau arusee mini qimifaqa, namasaunana anee aniraananoo. Qinee namaseeqa doo qeeqa taikara afaaqooqa qimamaqa saunanoo naaru naaru minaindi mariannoo.

Oosana 37:1

Yakooboofa narí akoofa Isakeefa mariu maqa maaqana Kannaana maqa maaqaki miqoo kai marinau.

Rafudoo Akarafa 6:4

Qinee qeeqa moodaanaki kira ufa misa faqa qidaqa Kannaana maqa maqa misa nimiraree qima afeekaikiqiafana. Misa minaki asaqiraa faira foora mariunaki quqannisaanauranoo fee qiqiafana.