Oosana 28:3 - Anutuna Ufa

³ Aiqama afeeka faqaa Anutufa ani faqa ani anaaqa faqa amiqi amiqimma nimaqaseenoo moomoo faiqi nimisainana anee moomoo maqannaasa nikoofa marinnara.

Oosana 28:3 Referans Kwoze

Oosana 48:3

Ooqu mari fufanoo Yakooboofa Yooseefaana qimaminoo qinau. Ooqai qinee Kannaana maqa maaqaki nuafannana kinai Rusa maqa maaqaki mariafananoo Anutufa aiqama afeeka faqaafa akooqoo kooroomma fufanoo qini qifaaqooqa qima qimaqanau.

Oosana 35:11

Miqi qimaseenoo Anutufa kafaa Yakooboona maaqi qimasee qimaminau. Qinee aiqama afeeka faqaa Anutusa maridaqa qimamidaqa. Anee moomoo faiqi faqaafa maria. Akaqa maqannaasa ani aiku asaukukiqari marifaranoo. Anee karaambaiqauqa ninaakufa marinnaranoo.

Oosana 13:16

Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.

Oosana 9:1

Anutufa Nooana narí faiqi namu faqa nifaaqooqa qinoo qinau. Inni asumu moomoo kambiqafi aiqama maqa maaqa amana kai mariaqa.

Oosana 1:28

Auquseenoo Anutufa nifaaqooqa qinoo qinau. Inniqara asumu moomoo kambiqeeqa maa maqa maaqanaki qumbiqafiqa rakisiaqa. Qinee inniqara mareeqee ooruku nammariki noodaanna faqa ufiniuqa faqa aiqama kaasau aandauqa rakisirausaika mannimaqaanaura.

Oosana 43:14

Aiqama afeeka faqaa Anutufa dadaaqinanoo mi fasiqafa inniara qimudaoo qiani. Qimudaoo qimaseenoo Beensaminna faqa inni nikaqa moo faqa kafaa nimiani. Qinee qini faiqi namu kakasifanoo doo saina kakasiani.

Oosana 41:52

Kafaa Yooseefaafa akoonaiqi moo maqaseenoo qinau. Anutufa maa maqa maaqanaki qinee aupurarana maree marunnanaki faiqi qiminoo. Miqi qimaseenoo mifa narí inaaqiannaa faiqi auqureenoo Eefaraimmanee qinau.

Oosana 24:60

Reebeeka nammarifa firarufaqa maa ufanannoo mina afaaqooqa qiqau. Oo maasa qisooki anikiqari aruakinausa moomoo uqanna firaaqoo uqanna kambiqeefara ani aiku asauku marinausa namuqaa nárí nifaqaaqa mandaida misa maqa maaqa namu faqa misa ainaina faqa maree marifaranoo.

Uqafiqoo Ufafa 21:22

Qinee Yoohaneesa fuka maqusa Yeerusaree qafamaseeqa naaquqara amaana maqara randeeqa sia marifaqa qafeeqa. Amaana maqa marinoofau fifau mariqini. Karaambaiqa Anutufa uriqararafa sipsipa aanaaqi Yisufa faqa miqoo akooqoo marunara amaana maqa sia marinau.

Idi Ufa 127:3

Faiqi asumu Yaaweefa kaqi nimi mari ainainafa maridanoo. Mifa kaaqa afaaramasee amiqi amiqimma qimaqaidanoo.

Rafudoo Akarafa 6:3

Qinee Abarahaamana faqa Isakeena faqa Yakooboona faqa misa nifusaa aiqama afeeka faqaa Anutusa qeeqa duqu kooroo iqiafana. Qinee sia qeeqa fuka naaquqara duqu Yaaweesee qirana qimannimi qiafana.

Idi Ufa 127:1

Yaaweefa sia maaqa usakaifanoo, usakara saika fannoo anoona siaifa mariqini. Yaaweefa sia maqusasaa ititee marifanoo aufari mari fasiqafa kikiqinoo marida rakisi mari oosanafa sia amanaikiqini.

Oosana 17:20

Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.

Oosana 26:4

Qinee anisaa ani aruaki kambiqainausa fasaura foora moomoo amianaura. Qinee maa maqa maaqana misa nimianaura. Aiqama maqannaasa aniree maaqi qimasee innaaru qifaranoo. Oo Anutu anee Isakeena aiku asauku amiqi amiqimma nimaqoonandee inana maasa faqa amiqi amiqimma qimaqaa.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 27:33

Isakeefa minara iriseenoo boo qimasee tautu maseenoo aindiri aindiri imarufanoo qinau. Yafee moo fannoo aandau arusee mini qimifaqa, namasaunana anee aniraananoo. Qinee namaseeqa doo qeeqa taikara afaaqooqa qimamaqa saunanoo naaru naaru minaindi mariannoo.

Oosana 48:4

Mifa maaqi qimasee qini qima qiminau. Qinee moomoo faiqi asumu amiana anisaaqari ani aruakinausa moomoo maqannaasaika mifaranoo. Qinee maa maqana ani aiku asauku nimiananoo naaru naaru misaindika minoo mariannoo.

Oosana 49:25

Ani akoona Anutufa ani dadaaqiannoo. Aiqama afeeka faqaa Anutufa ani amiqi amiqiani. Innaarunaindaraa aakunnoo ani amiqi amiqimma amaqaannoo. Maqakiqari ururainna nammarifa ani amiqi amiqirana amiani. Ani burimakau aandau faqa faiqi aanaaqiuqa faqa amiqi amiqimma nimaqaani.