Oosana 27:41 - Anutuna Ufa

⁴¹ Yakooboofa Eesauna afaaqooqa maree fifufanoo Eesaufa narí akaqara akoo qaidanoo fidiaqaammi marinau. Miqi marufanoo maaqi qimasee narí kai oonu mafi iriseenoo qinau. Kaqi kaaqoo maasa qikoofa kuqu finaqa soofaara taikaseeqa mikari qeeqa qikaqa kuqamma aruanaura.

Oosana 27:41 Referans Kwoze

Oosana 37:4

Mina afasausamara qafoofanoo misa nikoofa Yooseefaanara aidi marufa uriqaranoo marufaqa misa firaaqoo uqanna naundura mandaiki marufaqa mina faqa ufa qimariqau.

Aaquqira Ufa 6:14

Misa nimuqusaki nikaruqirafa qumbiqarausa maridaqa. Maqee maqee mandainainara kai ufa qimariasa maridaqa. Misa aiqamatinai nidaqa ummaara kambiqaanifeera kai andaana riqa nidaqa.

Oosana 37:8

Miqi qimasoofaqa mina afasausamara aqiqa qiqau. Kasooaqee anee karaambaiqaika mafi maasa rakisiqimaqeennaree. Miqi qimaseeqa mifa qainunara faqa misara qunara faqa iriseeqa firaaqoo fidiaqaamma amaqaqau.

Oosana 32:6

Ufa mareefu fasiqausa oonu randee aniree Yakooboona maaqi qimasee qimamiqa qiqau. Doo maasa ani afasaana qimamisaunanoo mifa narí ainainira fasiqauqa 400 namufaqa maasa inaaqianna anidanoo.

Titusa 3:3

Ooqai maasa faqa misa naanna raidaqa, furufariaafanausa maridaqa, ufa rukiee mariafanausa maridaqa, maasa kaqiruna ubeekeeaafanausa maridaqa, maasa faqa daundurakina qidudusaa arirafa qiqa qifaaqa rumbeeusa idukuqoosa maridaqa, maa maqanasaa amiqi amiqira ainaina fannoo maasa rumbeeusa maasa faqa aiqama aukuana qifai sanduriaafanausa maridaqa, moona ainaina qafaafananoo qimuqusidanoo qimukeeusa maridaqa, maasa faqa moosa nindafaafananoo fidiaqaamma nimaqee mariafanausa maridaqa, misa faqa maasa qiqafoofanoo miqikai inoo fidiaqaamma qimaqeemariqau.

Aaquqira Ufa 1:16

Misa mandainaina auqarara sia anuqidaqa. Misa aiqama kari fidika ruiqaranara deedaqiqa maridaqa.

Idi Ufa 142:3

Qinee minnisara runanoo qinee andeeqasee qianna ainnainnara mifa iridanoo. Qinee fimarunna aannanasaa qini namuqaa qini qimaara kukeeqasee ufaana fufidaqa.

Idi Ufa 37:16

Andeeqee mari fasiqana ainaina oodaa mariannoo, Anutuna afusaa uriqaranoo maridanoo. Manda oosana maree mari fasiqana ainaina moomoo maridanoo, Anutuna afusaa ureeqanoo maridanoo.

Idi Ufa 35:14

Qini namuqaauqa auriranaki marufaqa qini marirafa maaqimminoo marinau. Qinee misara qini qiqoondifaqa qini qikaqaafasaa faqa qini qinoofa faqa kuqiara foora iafaqa soofaarida kummaaraqa mariqiafana.

Oosana 35:29

Maraseenoo kuqufufaqa mina faiqi qara Eesausa Yakooboosa akundaqau.

Oosana 32:11

Qinee qeeqa qifasaana Eesauna asaukukinaana asumu mara quqaqisaanneera innaaru qidaqa. Qinee minara rufiaidaqa. Mifa anireenoo maasa faiqi anaasee faqa aiqama daru taikaandoora rufiaidaqa.

Oosana 27:42

Reebeeka nammarifa mi ufana iriseenoo Yakooboona aaramaseenoo aaqu qimamaqeenoo qinau. Iria ani afasaafa Eesaufa afaaqooqara qimammareenoo ani aruannoo.

Oosana 32:3

Yakooboofa narí faiqi namu qaarammoo ufa maree narí nifasaafa Eesau funnai fuaqeera niiqoofaqa Eedoomma maqa maaqai fiqau.

Oosana 50:2

Qiki raqaseenoo Yooseefaafa Isipa maqannaa oosana mareenoo tutaqausa qimannimufaqa anireeqa sia kai kaqi mandaikianifeera marasinna oosana oosana akuamaqee mariqau.

Oosana 37:18

Mifa nianai ani marufaqa mina afasausamara qafamaseeqa mina arirara tipundaariqau.

Oosana 50:15

Yooseefaana akaqaa fasaauqa misa nikoofa kuqufufaqa Yooseefaanara rufieeqa narí qimami narí qimami qiqau. Ooqai maasa Yooseefaana mandaika mamaqaafanausa marida. Mina akiiqara iannoofee.

Aaquqira Ufa 18:19

Aneenna akaqaafasauqa dadaaqinaqa misa afeeka faandaamurara foora anisaa itita amaqeefaranoo. Anee misara aanoo qinaqa misa nári kooqi itita saifana sia keeqeennaranoo.