Oosana 26:5 - Anutuna Ufa

⁵ Abaraqaammafa ani akoofa qini sandufa faqa aamuaqira ufa faqa afaqee marunara qinee ani amiqi amiqimma amaqaanaura.

Oosana 26:5 Referans Kwoze

Oosana 22:18

Aiqama maqannaasa qiniara ani aiku asauku amiqi amiqimma nimaaqaafanandee masee maasa faqa amiqi amiqimma qimaqaannee qifaranoo. Anee qini aakapara ufa qaindusuannanara miqiqa.

Oosana 22:16

Karaambaiqa aniara maqi qidanoo. Qinee qeeqa duqusaa qima afeekaikammasee qidaqa. Qinee firaaqoo ani amiqimma amaqaanaura. Anee aneenna amaaku moodaa sia qaoo qiannanara qinee miqianaura.

Mataioo 7:24

Faiqí moo fannoo qini dookinaa ufa iriseenoo sanafaunaana anoona qinee qimaqaunamau kai andeeqasee fimarifa, mifa nana ainaina fooqaa fee maridanoo fee. Mifa amiqirafa irira fasiqa fooqaafa maridanoo. Narí maaqa atuna meemai ooniki mapukusee arusaifa maridanoo.

Yameesa 2:21

Maasa qifaqnafa Abarahaamafa naqimaseenoo fee Anutuna faqa moodaanaki kinau. Narí asaukunnai narí faiqi Isakeena qumareeqeenoo qaindasaa tatufira aandau suqa amianeera quqoonannai Anutuna faqa moodaanaki kinau.

Heeburu 11:8

Abarahaamafa faqa Anutunasaa irirana rusi marufa marinau. Anutufa Abarahaamana aaramaseenoo qimaminau. Anee anirainaqa fuka maqa maaqa anindi kianinnana uqafiqaanaura, anee miqoo fua. Miqi qufanoo Abarahaamafa iriseenoo narí irirana Anutunasaa rusiranannai eedoo qimasee narí maqa maaqa minnisee sia qafee maru maqa maaqanaki kaqimbinau.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

1 Koorinti 15:58

Oo qini qikaqaafasaa doo minara iriseeqa sia kasi kasiaqa mapukuseeqa atukaraqa mariaqa. Karaambaiqa marirana nirana mariana maqee maqee minaki kai noori runusee mariaqa. Karaambaiqa marirana niranaki marianara aiqama saika naaru marira anoona marifa maridanoo karaambaiqa marirana nirana sia moo fannoo anoona siaifa maridanoo. Anoona marifa kai maridanoo.

Oosana 18:19

Abaraqaammafa narí faiqi namu faqa misasaaqari kambiqainausara faqa andeeqara oosanamau kai fuaqeera fuki faaki ianifeera rusandeesamummasee maraqiafana. Misa miqi faqa qinee qima afeekaikiafanna ainainausa aiqama miqimma nisaanaura.

Oosana 12:4

Abarammafa 75 aukuana maraseenoo Qarana maqusa minniseenoo Kannaana maqa maaqai Karaambaiqa qimamundee inoo fufanoo Rootafa mina faqa finau.

Oosana 17:23

Fifufanoo Abaraqaammafa Anutuna ufa mau finoo mi faasaanna kai narí faqa narí amaaku Isamaeerana faqa narí ainainira faiqiuqa faqa narí ainainiranaki marida maqaqoo faiqisa faqa aiqama nifaaqa ati aukinau.

Mataioo 5:19

Faiqí moo fannoo Mooseena sandufa aiqama muduka uqeeraidanoo ati kai rukiainafa faiqí moo aakapeenoo anee faqa miqiannee qinafa mifa innaaruna maqusa ureeqarafa mariannoo. Faiqí moo fannoo Mooseena sandufamau fidanoo naakapainafa mifa innaaruna maqusa uriqararafa mariannoo.

Oosana 26:6

Isakeefa Anutuna mi ufana iriseenoo eedoo qimaseenoo Keeraa maqusai maridanoo Isipa maqa maaqai sia ooqu finau.