Oosana 26:34 - Anutuna Ufa

³⁴ Isakeena faiqi indaaruqaafa mina auqu Eesaufa marinau. Mifa qaara fasiqa aiku asauku taikasee 40 aukuana maraseenoo Qeetaa maqannaa aanaaseeqara maranau. Moo anaasee auqu Yuditi nammarina Beerina araamuna maranau. Moo anaasee auqu Baseemata nammarina Eeroona aramuna maranau.

Oosana 26:34 Referans Kwoze

Oosana 36:2

Eesaufa Kannaana maqannaa aanaaseeuqa maranau. Indaaru maroo anaaseena auqu Adaa nammarifa marinau. Mifa Qeeta maqannaa fasiqa Eeroona araamuna maranau. Mina aanaaqiana maroo anaaseena auqu Ooqooribammaa nammarifa maranau. Mifa Qifita maqannaa fasiqa Sibeeoona amaaku Annaana namarina araamuna maranau.

Rafudoo Akarafa 34:16

Inni faiqi namu mi anaamuru anaaseesa maraseeqa qini minnisee moo unna qira anutusara innaaru qifoora. Mi oosanafa qini qifusaa dapi nua aanaaseesara foora maridaqa.

Oosana 36:5

Moo anaasee auqu Ooqooribammaa nammarifa Yeeusana faqa Yaramana faqa Kooraana faqa maqanau. Eesauna mi faiqi namusa miqimmasee Kannaana maqasaa kambiaqau.

Oosana 28:9

Iriseenoo Isamaeerafa Abaraqaammana amaaku marunnai oonuree mina araamuna auqu Maqarata nammarina maranau. Maqarata nammarina asookifa Neebaiootafa marinau.

Oosana 24:3

Qinee aniara Karaambaiqa innaaruna faqa maqa faqa auqu Anutuna auqusaa qima afeekaikamasee sia qini qimaaku Kannaana maqannaa anaasee mara amiannee qidaqa.

Heeburu 12:16

Innee rakisiaqa. Sia inniki moo fannoo Esauna aanna raaqa. Mifa andeeqarana minnisee Anutuna ufa rukiasee moodaa naranannai kai afasaafa narí qumiasana narí akaqa doo aminau.

1 Koorinti 7:2

Kafaa mina atiki maaqi qianaura. Faiqí anaasee narí ummuari narí ummuarirafa moomoo marinara aiqama fasiqauqa nári ninaaqa maraaqa, aiqama aanaaseeuqa nári nifaaqmaaka marasee andeeqasee mariaqa.

Oosana 27:46

Miqanda ninoofa Reebeeka nammarifa oonu reenoo narí afaaqi Isakeena qimaminoo qinau. Qinee maa Qeeta maqannaa anaasee qandara Eesauna anaaqa qarara qikoo uqanna fidiaqaammidaqa. Yakooboofa Qeeta maqannaa anaasee maaqirana moo marainaqa qinee kuquanauranoo.

Oosana 28:8

Isakeefa Kannaana maqannaa aanaaseera akooqee marunara Eesaufa irinau.