Oosana 26:14 - Anutuna Ufa

¹⁴ Mifa moomoo sipsipa faqa burimakau faqa ainainira faiqiuqa faqa marunara Firistia maqannaasa niranaqee marinau.

Oosana 26:14 Referans Kwoze

Oosana 37:11

Yooseefaana afasausa mara nári nikaqara nirana qeemarinau. Miqi marufanoo mina akoofa aiqama ufara kaqi kai irimarinau.

Aaquqira Ufa 27:4

Aanoo qirafa faqa aranaqarafa faqa mandainaina maridanoo. Aqoonnanara rairai qirafa misa firaafa maridanoo.

Aaquqira Ufa 10:22

Anutuna amiqi amiqiranannai kai ainaina faqaafaikinnaranoo. Ani kadaapirirafa sia amana minaki ookaa iannoo Anutufa kai amiannoo.

Idi Ufa 112:3

Mi andeeqara fasiqana faiqi namu ainaina faqaasa arifaranoo. Mina ainaina faqa naaruara rairaammida mariannoo.

Oosana 13:2

Abarammafa ainaina faqaafa marinau. Sipsipa faqa mimmi faqa burimakau faqa siruaa faqa koora faqa faqaafa marinau.

Oosana 12:16

Mina akiiqara Faraoofa Abarammana amiqi amiqimmaseenoo sipsipauqa faqa mimmiuqa faqa burimakauqa faqa doonkiuqa faqa kammeerauqa faqa ainainira faiqiuqa faqa maanaaqauqa faqa feefaru Abarammana aminau.

Idi Ufa 112:10

Miqi marifaqa manda oosana maree mariasa mina qafaafanoo niranaqaidanoo. Misa noori kandamasee fidiaqaamma amaqasee quqasee fidaqa. Manda oosana maree mariasa misa mi andeeqara fasiqana andaikamma amaqarara tipundarimariafa naaruara taikafuannoo.

Oosana 24:35

Karaambaiqa firaaqoo qini uriqararana amiqi amiqimma amaqaseenoo ainaina faqaafaikamma amaqeenoo. Karaambaiqa sipsipauqa faqa burimakauqa faqa siruaa faqa koora faqa ainainira fasiqauqa faqa maanaaqauqa faqa kammeerauqa faqa doonkiuqa faqa moomoo aminoo.

Oosana 25:5

Abaraqaammafa narí aiqama ainaina Isakeena kai aminau.

Oosana 30:43

Mi oosannanannai Yakooboofa moomoo akinaina faqaafa marinau. Mina sipsipa mimmi moomoo uqanna mariqau. Mina ainainira fasiqauqa faqa aanaaseeuqa faqa kammeerauqa faqa doonkiuqa faqa moomoo qumbiqaqa mariqau.