Oosana 26:12 - Anutuna Ufa

¹² Mi aukuannai Isakeefa narana ummaqusoofanoo kambiqafufanoo amiqimmasee anoona mafufanoo unakira aukuana moomoo uqanna unakinau. Karaambaiqa amiqi amiqimma amaqasee dadaaqunara miqinau.

Oosana 26:12 Referans Kwoze

Oosana 26:3

Maaqoo kai marinaqa qinee ani faqa marida amiqi amiqida dadaaqianaura. Maa maqa maaqana faqa anisaa ani aruakinausa faqa nimianaura. Qinee minara Abaraqaammana ufa qima afeekaika masee amianauroo qiafannana doo ani faqa qima afeekaikiqa amianauranoo.

Mareekoo 4:8

Akaqa qaqama fannoo amiqira maqasaa aqufufanoo maqakiqari urureenoo kambiqafinoo doo qaqama ireenoo, akaqafa oodaa ireenoo akaqafa amiqimasee ireenoo akaqafa fiqaramasee ireenoo.

Idi Ufa 67:6

Miqifanoo maqakiqari aiqama narana kambiqanoo. Kambiqainanoo Anutufa maasa Anutufa amiqi amiqimma qimaqaannoo.

Oosana 24:35

Karaambaiqa firaaqoo qini uriqararana amiqi amiqimma amaqaseenoo ainaina faqaafaikamma amaqeenoo. Karaambaiqa sipsipauqa faqa burimakauqa faqa siruaa faqa koora faqa ainainira fasiqauqa faqa maanaaqauqa faqa kammeerauqa faqa doonkiuqa faqa moomoo aminoo.

Oosana 24:1

Doo Abaraqaammafa kaaqa nauraiqi marinau. Karaambaiqa Abaraqaammafa aiqama auqoo ainainna amiqi amiqimma amaqee marinau.

1 Koorinti 3:6

Qinee Koorinti maqusai inni iriranaki qaqammara foora aaqasaafananoo Apooroosafa aniree nammariara foora adiasoofanoo Anutufa kambiqarana aminau.

Oosana 30:30

Qinee aniafanna kari ani ainaina oodaa kai marinau. Qinee maaqoo ani maridaqa ani ainaina aiqamai auqaunanoo Anutufa dadaaqifanoo firaanaikinoo maridanoo. Qinee maqee qeeqaree qianna ainainausa maraanaura.

Mataioo 13:8

Akaqafa amiqira maqasaa aqufufanoo qaqamma moomoo iranau. Akaqafa urureenoo qambaana irara iranau. Akaqafa urureenoo oodaa iranau.

Idi Ufa 72:16

Mi karaambaiqafa marinna kamuqoo mi maqa maaqanaki sakuma faqa uita faqa moomoo rairaa inoo mariani, kaqikaa amuaqu namuqasaa faqa narana kai itita fuani. Mina qaqama fannoo Reebanoonna maqa maaqakinaa saqari aanna reenoo moomoo qaqama ireenoo rairaaiani. Mi maqusausa kiaqa faiqí qumbiaqa mariaqa. Mi sakummana qaqama faqa uita qaqama faqa andandara foora sia kasoo mariani.

Mataioo 13:23

Qaqamma amiqira maqasaa kakasinoo moo fasiqara foora maridanoo. Mifa mi ufana iridanoo oosana amiqimandee iridanoo. Mifa kuqaa qaqammara foora iraidanoo. Moo uriqararafa amiqimma qaqamma irafinoo irairaammidanoo. Moo qambaanai marifa narí amanasaa iraidanoo. Moo ureeqarafa miqi kaimidanoo narí amanasaa iraidanoo.

Oosana 26:29

Maasa aniara qima afeekaikammasee sia maasa mandaikamma qimaqaannee qidaqa. Maasa sia ani mandaikamma amaqaafannandee inana maasa faqa sia mandaikamma qimaqaa. Maasa ani amiqi amiqimma aisaafanana anee asooaranaki finau. Maqee akooqoo uqanna Karaambaiqa fannoo ani amiqi amiqimma amaqaidanoo.

Aaquqira Ufa 10:22

Anutuna amiqi amiqiranannai kai ainaina faqaafaikinnaranoo. Ani kadaapirirafa sia amana minaki ookaa iannoo Anutufa kai amiannoo.

Oosana 25:11

Abaraqaammafa kuqufufanoo mina amaaku Isakeena Anutufa amiqi amiqi imarinau. Isakeefa kaqi marira nammari dikaanda qini qiqafaidanoo fee qimaru nammari dikaandana aaqa marinau.