Oosana 24:7 - Anutuna Ufa

⁷ Yaaweefa innaarunaindaraa Anutufa qeeqa qikoona maqusaindaraana faqa qeeqa ainaina maqasaaqaraana faqa mara mareenoo maa maqa maaqanasaa quqaqoosa maridaqa. Mifa qima afeekaikammasee qini faqa qini qiku qisauku faqa maa maqa maaqana nimianauree qinau. Mifa narí angiroo aiqainanoo ani afunni finana ooru qini qimaaku anaaqa afiqee quminnaranoo.

Oosana 24:7 Referans Kwoze

Heeburu 1:14

Qangiroouqa naqi fee iqa maridee. Misa aiqama maraquna kai maridaqa Anutuna ainainira ainaina maridaqa. Mifa innaarunaindari niqiqainaqa faiqí anaasee innaarunai fifandinausa dadaaqiaqeera niqiqaidanoo.

Idi Ufa 34:7

Yaaweenara rufiee mariasa mina angiroouqa misa fiqufiquiqa maridaqa mandainainakinaana maraqunnisaidaqa.

Rafudoo Akarafa 33:2

Qinee qeeqa angiroo aiqaananoo inni nifu uqi marinaqa fimarifaqa qinee Kannaa maqannaasa faqa Amoora maqannaasa faqa Heeta maqannaasa faqa Peerisa maqannaasa faqa Hifita maqannaasa faqa Yeebusa maqannaasa faqa naru nifaqaaqa ianaura.

Oosana 13:15

Anee qafaanna maqa maaqana ani faqa anisaaqari kambiqainausa faqa nimisaananoo naaruara naaruara innindi kamminoo mariannoo.

Idi Ufa 73:24

Anee aneenna aamuaqira ufannai qini daamua qimaseenana qini itita qisamammaree munusee kasooaqee innaarunai qifiqa quqaseenana uriqarara duqu qimisainaqa ani faqa marianaura.

Idi Ufa 32:8

Yaaweefa maaqi qidanoo. Qinee anee finna aannanara qima amianaura. Qinee ani aakapamasee aamuaqianaura.

Rafudoo Akarafa 32:13

Anee aneenna ainainira faiqiuqa Abarahammana faqa Isakeena faqa Yakooboona faqa kuqaa qima afeekaikira ufa qunnanara oonumafi iria. Anee misara fasaura foora mafifaqa qinee qima afeekaikiafanna maqa maaqana inni nimianauree qinau. Nimisaananoo mi maqa maaqafa innindikamminoo naaru naaru mariannoo fee qinau.

Oosana 15:18

Doo aaqee mikari kai Yaaweefa Abarammana faqa moodaanaki kira ufa qinau. Qinee maa maqa maaqana ani aiku asauku nimianauranoo. Isipa maqannaa nammari dinni oosirafa ani rameeqeenoo firaa nammari dinni Eeufarateesa nammari mariannoo.

Uqafiqoo Ufafa 11:13

Miqanda muru quqasainanoo miqoo kai maqa firaaqoo uqanna kasinoo Yeerusaree maqusaki mari maqausa moomoo rambairinoo aqufuannoo. Faiqí seefeena tauseenna (7,000) moomoo uqanna minaki kuqifaranoo. Moomoo uqanna nukudara foora faiqí anaasee kuqifaranoo, moomoo kaqi marifaranoo. Kaqi marinausa mina qafamaseeqa quandakiqa innaarunai mari Anutuna afeeka amooqifaranoo. (Qinee Yoohaneesa mi aiqama ainainna innaarunai maridaqa qafaafannana.)

Heeburu 11:9

Abarahaamafa miqooqari aanaamuruara foora Anutufa qima afeekaikammaqoo maqa maaqanaki oonu marinau, Anutunasaa irirana rusiranannai kai miqinau. Narí maaqa uqanna ooqai maruna maaqa uqannaki marinau. Mi maqa maaqana minnisee fuka maqasaa narí faqa Yakooboona faqa Isakeena faqa uqiqaana maaqaki kai marusa mariqau. Aandau apatannai auqira uqiqaana maqaki mariqau. Miqanda faqa Anutuna qima afeekaikirana maree marusa mariqau. Miqanda faqa Anutuna qima afeekaikira ufa irisee mariqau.

Idi Ufa 103:20

Yaaweena afeeka qangeeroouqa mina ufara eedoo qimariasa innee Yaaweena qimannimira ufa irimariasa innee Yaaweena amooqiaqa.

Rafudoo Akarafa 13:5

Yaaweefa inni nikeeku nikaaku faqa oori kandamasee qima afeekaika masee Kannaana maqa maaqa faqa Heeta maqa maaqa faqa Amoora maqa maaqa faqa Hifita maqa maaqa faqa Yeebusa maqa maaqa faqa misa maqa maaqa inni nimiraree qinau. Mifa inni nifiqeenoo ainoo faqaa maqa ainaina rairaa imariqoo munu sainaqa innee aiqama aukuana indaaruqaa quqoonasaa maa oomaqana sakasee naidaqa asasiaqa.

Oosana 26:24

Miqoo marufanoo moo eendaki akooqoo Karaambaiqa maaqi qimasee qimaminau. Qinee ani akoona Abaraqaammana Anutusa maridaqa. Sia anee rufia rufiaqia. Qinee ani faqa nidaqa. Qeeqa ainainira fasiqa Abaraqaammana faqa qima afeekaikiafannanara iriseeqa ani amiqi amiqi ianaura anisaa ani aruakinausa moomoo kambiqeefaranoo.

Oosana 17:8

Anee asaqiraa faira foora maa maqanasaa mariannana qinee ani faqa ani asaifaqausa faqa nimianaura. Nimiananoo aiqama Kannaana maqa maaqa fannoo ani asaifaqausaindi kamminoo naaru naaru marinaqa qinee misa Anutusa marianaura.

Oosana 16:7

Qakaara nammarifa amaaqa firaree qimasee Suraa maqa maaqaki fimaru aatata sandee fifiiufanoo aadana maqa maaqa qambaanai nammari kaqikaafa ururee maruqoo Karaambaiqa angiroo fannoo Qakaara nammarina paqurimmasee qimaminoo qinau.

Oosana 21:17

Miqi marufanoo Anutufa mi faiqina iki raqarana irufanoo innaarunaindari Anutuna angiroo moo fannoo Akaara nammarina qimaminoo qinau. Akaara nammari anee nanaree ummaara maraidanee. Sia rufiaa. Ani amaaku iki raqarana Anutufa doo irinoo.

Oosana 22:11

Karaambaiqa angiroo innaarunaindari aaramaseenoo qinau, Abaraqaamma, Abaraqaamma, miqi qufanoo Abaraqaammafa qinau. Qinee maa maridaqee qufanoo Karaambaiqa qinau.

Oosana 24:3

Qinee aniara Karaambaiqa innaaruna faqa maqa faqa auqu Anutuna auqusaa qima afeekaikamasee sia qini qimaaku Kannaana maqannaa anaasee mara amiannee qidaqa.

Oosana 24:40

Qunanoo mifa qinoo, qinee Karaambaiqa ufa aiqama kari afaqee marunausa maridaqa, mifa narí angiroo aiqainanoo ani faqa fidanoo dadaaqinanoo anoona kambiqaannoo. Anee qini faiqi anaaqa qini maqannaasakinaana qini qikoona atikinaana mareennaranoo.

Idi Ufa 136:26

Anutufa innaarunai marina dufi dufi qimamaqaaqa. Mina amuqusirafa naaru naaru marifa maridanoo.