Oosana 24:40 - Anutuna Ufa

⁴⁰ Qunanoo mifa qinoo, qinee Karaambaiqa ufa aiqama kari afaqee marunausa maridaqa, mifa narí angiroo aiqainanoo ani faqa fidanoo dadaaqinanoo anoona kambiqaannoo. Anee qini faiqi anaaqa qini maqannaasakinaana qini qikoona atikinaana mareennaranoo.

Oosana 24:40 Referans Kwoze

Rafudoo Akarafa 23:20

Anutufa kafaa qinau. Qinee qeeqa kai qeeqa Qangiroo aqiqaananoo mifa qumuree inni indaaru nikidanoo innisaa rakisi marinaqa qinee inni deedaqamma nisaafanna maqa maaqanaki fifaranoo.

Idi Ufa 16:8

Qinee aiqama kari Yaaweena afusaa marunnanara iridaqa. Mifa qini faqa marinara sia moo ainaina fannoo qini kasi kasimma qimaqaannoo.

Rafudoo Akarafa 33:2

Qinee qeeqa angiroo aiqaananoo inni nifu uqi marinaqa fimarifaqa qinee Kannaa maqannaasa faqa Amoora maqannaasa faqa Heeta maqannaasa faqa Peerisa maqannaasa faqa Hifita maqannaasa faqa Yeebusa maqannaasa faqa naru nifaqaaqa ianaura.

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

Oosana 5:24

Eennookafa sia kuqinau. Kaaqa Anutunara rimarufa marufanoo Anutufa kaqimma afiqasoofanoo sia sia inau.

Uqafiqoo Ufafa 22:16

Qinee Yisufa maa ufausa amaana maqaki keeqee mariasa qimannimiaqee qimasee qeeqa qangiroo aqiqeeqa. Qinee Dafidina oosanakiqari minati maridaqa. Qinee kananaana duqudeeqiara maqi kaaqa qeemarunausa maridaqa. (Yisuna saqariki mariasa aiqama mina aqoonausara foora mariafanoo misara Yoohaneefa moodaanaki sipsipa aanaaqi Yisuna anaaqa fee qidanoo maa papiqanaki qidanoo.)

Heeburu 1:14

Qangiroouqa naqi fee iqa maridee. Misa aiqama maraquna kai maridaqa Anutuna ainainira ainaina maridaqa. Mifa innaarunaindari niqiqainaqa faiqí anaasee innaarunai fifandinausa dadaaqiaqeera niqiqaidanoo.

Idi Ufa 91:11

Anee miqinanoo Anutufa narí qangeeroouqara qinaqa misa ani marirana niranasaa rakisi amaqeefaranoo.

Idi Ufa 1:3

Miqi maria fasiqa anaaseesa saqari nammari aaqa ummaqirafara foora iqa mariasa maridaqa narí qanaa mina aqama amiqimmasee iraidanoo mina amanee sia kakasidanoo. Miqira fasiqa anaasee nana ainainee auqaafanoo anoonaikidanoo.

Oosana 48:15

Miqi mandeenoo Yooseefaana afaaqooqa qimamaqeenoo qinau. Qini qikausa mara Abaraqaammana faqa Isakeena faqa nikoofa Anutufa maa faiqisa amiqi amiqimma nimaqaani. Qini qifiqamaree maaqoo maqee miniqaifaqa marunna Anutufa misa amiqi amiqimma nimaqaani.

Oosana 24:7

Yaaweefa innaarunaindaraa Anutufa qeeqa qikoona maqusaindaraana faqa qeeqa ainaina maqasaaqaraana faqa mara mareenoo maa maqa maaqanasaa quqaqoosa maridaqa. Mifa qima afeekaikammasee qini faqa qini qiku qisauku faqa maa maqa maaqana nimianauree qinau. Mifa narí angiroo aiqainanoo ani afunni finana ooru qini qimaaku anaaqa afiqee quminnaranoo.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

Oosana 5:22

Eennookafa 300 aukuana Anutuna aqoondikiranaki maridanoo akoonaiqi maanaaqa faiqi namu moomoo maqanau.

Uqafiqoo Ufafa 22:8

Qinee Yoohaneesa mi ainainna aiqama qafamasee iriseeqa daaquqoofaqa uqaqifiqee mari qangiroona aikuki maqasaa aqufiqa amooqianeeriafananoo mifa qaoo qimasee qinau.

Oosana 24:56

Miqi qufanoo Abaraqaammana ainainira fasiqa fannoo qinau. Doo sia maasa rafaaqa fua. Doo qinee maqee fidaqa. Karaambaiqa fannoo qinee kisaaqasaa anunna saikana anoona doo kambiqasaifaqa qafamaseeqa sainaqa qeeqa uriqarara finnai fua.