Oosana 24:26 - Anutuna Ufa

²⁶ Miqi qimasoofanoo Abaraqaammana ainainira fasiqa iriseenoo maqasaa oorindari mapamu finoo Karaambaiqa narí uriqararana Abaraqaammana Anutuna amooqidanoo maaqi qinau.

Oosana 24:26 Referans Kwoze

Oosana 24:48

Usuamaqaseeqa doorindari maqasaa kummarama fifaqa qeeqa uriqarana Abaraqaammana karaambaiqa Anutuna amooqiqa. Mifa qini qifiqamareenoo andeeqasee qini uriqararana atiuqa iannai murusaifaqa qinee misa niraamuna qeeqa uriqararana amaaku anaaqa marianinnana paquriqa.

Rafudoo Akarafa 4:31

Isaraee maqannaasa Aaroona mi ufana iriseeqa kuqaa mifoo qiqau. Misa Yaaweefa misa unnai anunara nariqa firaa aupuraranara irisee kumma ramafufaqa innaaru qiqau.

Oosana 24:52

Abaraqaammana ainainira fasiqa mi ufana iriseenoo oorindari maqasaa aqufinoo Karaambaiqa amooqimamaqanau.

Rafudoo Akarafa 12:27

Maa qoomaqafa Yaaweefa ainnaaqaroo qoomaqafa maridanoo fee qimasee qimannimiaqa. Ooqai mifa Isipa maqa maaqaki maasa ainnaaqareenoo Isipa maqannaasa ooqa faiqiuqa narinoo maasa sia darinau maqi qiaqa. Mooseefa miqi qimasoofaqa Isaraee maqannnaasa iriseeqa aiqama kumma ramafi Anutunara susuiqau.

Firipi 2:10

Aiqamausa uqanna innaarunaindaraasa faqa maqasaaqaraasa faqa maqa ameemaanaindaraasa kuqirausa faqa Yisuna auquara naaquqainaqa reendeenamasee niqoori saunarafiqa aiqamausa akooqoo asauku mundirana Yisunara maasa karaambaiqee qimasee mina akoona Anutuna amooqifaranoo. Minara qinee Pauroosa inni Firipi maqannaasa qimannimidaqa inni irirafa asauku mundirana Yisuna aanna kai reeqa nariara nariara fifimmaseeqa idaaqiaqa.

Idi Ufa 95:6

Doo aniaqa, aniraifaqa mina oorinni kummara mafi amooqia. Yaaweefa maasa auqunara maasa mina oorinni qiqoori saunu arafi mina amooqia.

Idi Ufa 72:9

Aadana maqa maaqaki mariasa karaambaiqa aninaqa mina oorinni kummarama fifaranoo. Mina namuqaa faqa mina qafamasee maqasaa aqufifaranoo.

Idi Ufa 66:4

Aiqama maa maqa maaqanasaa qaraasa ani amooqidaqa. Misa ani amooqira idi raidaqa ani auqu uqeeraidaqa.

Idi Ufa 22:29

Aiqama ramoo ramaa imariasa mina oorinni niqoori saunu areefaranoo. Aiqama faiqí faiqi mina oorinni niqoori saunu areefaranoo.

Rafudoo Akarafa 34:8

Mooseefa mi ufausa iriseenoo kai kaqi maqasaa oorindari mapamufufanoo Yaaweena amooqinau.

Oosana 22:5

Qafamaseenoo Abaraqammafa narí ainaini maru faiqi qanda qimanniminoo qinau. Inneeqara maaqoo marida doonkisaa rakisiaqa. Qeeqa qimaakundiri miqoo ooru Anutunara innaaru qimasee inneeqara iannai qumuanaura.

Oosana 24:25

Maasa maaqa faqa narana faqa amana maridanoo maasa amana ani faqa aniasa faqa ani kammeerauqa faqa narana faqa maaqa faqa nimifaranoo.